Sneak Peak

”تم واقعی اسکے لیے سیریس ہو؟“. وہ خاموش رہا تھا تو کچھ دیر بعد اُنہوں نے بغور اسے دیکھتے ہوۓ پوچھا تھا۔ وہ سومیا ملک کے آنے کا انتظار کر رہے تھے پھر وہ خود بھی ملاحہ کے گھر بات رکھنے جانا چاہتے تھے۔
”آپکو کیا لگ رہا ہے میں یہاں کب سے پریشان ہونے کی ایکٹنگ کر رہا ہوں ؟“. اسکا سر درد سے پھٹ رہا تھا اور وہ اس طرح کے سوال کر رہے تھے۔
”میں بس یوں ہی پوچھ رہا تھا ۔۔۔ وہ ایسی ویسی لڑکی نہیں اسکے ساتھ وقت گزاری مت کرنا“۔ انہوں نے نرمی سے کہتے ہوۓ اسے سمجھایا تھا۔
”میں بھی کوئی ایسا ویسا لڑکا نہیں ہوں ڈیڈ جو کسی لڑکی کے ساتھ وقت گزاری کروں“. عشارب نے افسوس سے انہیں دیکھتے ہوۓ کہا تھا وہ اسے ایسا سمجھتے تھے۔
”میں نے ایسا کچھ نہیں کہا عشارب ۔۔۔ بات کا غلط مطلب نہیں نکالو“. بات غلط سمت جارہی تھی ۔ انہوں نے اسے سمجھانا چاہا تھا۔
”ہمیشہ میں ہی غلط ہوتا ہوں کبھی آپ غلط نہیں ہوتے ۔۔۔ ہمیشہ میں ہی غلط کام کرتا ہوں اور آپ کچھ غلط نہیں کرتے ۔۔۔۔ آپ نے آج تک کچھ غلط نہیں کیا ۔۔۔۔ صرف ایک غلطی کی ہے اور وہ مجھے پیدا کرکے“. اس نے کرسی سے کھڑی ہوکر سرخ آنکھوں سے انہیں دیکھتے ہوۓ کہا تھا۔ وہ ساری فرسٹریشن ان پر نکال رہا تھا مگر اسے ذرہ بھی اندازہ نہیں تھا ۔
”اپنی زبان سنبھالو عشارب ورنہ میرا ہاتھ اٹھ جاۓ گا“. ضبط سے حریرہ ملک کا چہرہ سرخ ہوا تھا۔ انہیں اسکی باتوں پر غصے سے زیادہ تکلیف ہوئی تھی۔
”جانتا ہوں آپکو اس سے زیادہ آسان کچھ نہیں لگتا ۔۔۔ ہر بات کا غصہ صرف عشارب پر نکالنا آتا ہے۔۔۔۔ ایک بار پہلے بھی ہاتھ اٹھایا تھا تب میں ٹوٹ گیا تھا اس بار اٹھائینگے تو نہیں ٹوٹونگا ۔۔۔۔ مجھے آپ سے اس ہی سب کی امید ہے“. اس نے ٹوٹے ہوۓ لہجے میں کہا تھا ۔
”یہاں سے چلے جاؤ عشارب میں تم سے کوئی بات نہیں کرنا چاہتا“. انہوں نے کپکپاتے لہجے میں کہتے ہوۓ اسے وہاں سے جانے کا کہا تھا۔ وہ نہیں چاہتے کہ ان سے دوبارہ کچھ غلط ہوجاۓ۔
”آپکو بس یہ ایک ہی جملہ کہنا آتا ہے۔۔۔۔ جب میں ہمیشہ کے لیے چلا جاؤنگا تو خبردار ایک آنسو بھی مت بہائیے گا“. انکی آنکھوں میں دیکھ کر وہ وہاں سے چلاگیا تھا۔ اسے خود بھی اندازہ نہیں تھا کہ اسکے لفظوں سے حریرہ ملک کو کتنی تکلیف ہوگی ورنہ وہ کبھی ایسے الفاظ استعمال نہ کرتا۔
———————————-