Romantic Fiction

مہندی کی خوشبو سے مہکتا کمرہ اچانک اندھیرے میں ڈوب گیا۔ دلہن کے چہرے پر خوشی کی جگہ خوف نے لے لی۔ خاموشی کو ایک پراسرار آواز نے چیر دیا۔ "گمنام ہے کوئی... بدنام ہے کوئی... کس کو خبر کون ہے وہ..." لڑکی کے ہونٹوں سے بے اختیار ایک نام نکلا... "ایول!" فل بلیک سوٹ، چہرے پر مکمل ماسک، اور صرف بھوری آنکھیں... سامنے کھڑی وہ پراسرار لڑکی کسی انسان سے زیادہ موت کا روپ لگ رہی تھی۔ اس کے ہاتھ میں چمکتا ہوا چاقو تھا، جس پر نمایاں لفظ "ایول" ہر دیکھنے والے کے دل میں خوف اتار دیتا تھا۔ "تمہیں میرے عشق سے شادی نہیں کرنی چاہیے تھی..." یہ جملہ سن کر دلہن کے قدموں تلے زمین نکل گئی۔ وہ اپنی بے گناہی ثابت کرنے کی کوشش کرتی رہی، مگر ایول کے فیصلے کے سامنے ہر دلیل بے معنی تھی۔ اگلے ہی لمحے کمرہ چیخوں، خون اور خاموشی کے خوفناک امتزاج میں بدل گیا، جہاں ہر لمحہ زندگی اور موت کے درمیان ایک نئی جنگ لکھ رہا تھا۔ کیا ایول صرف ایک بے رحم قاتل ہے، یا اس کے انتقام کے پیچھے کوئی ایسا راز چھپا ہے جس سے سب بے خبر ہیں؟