Zilal e Yaar By Hadia Saeed ul Rahman 

Genre: Mystery |  Suspense | Childhood Trauma| Friendship Base | love and sacrifice |  Trauma | Social Issue Base | Complete novel

” کان کھول کر میری بات سن لو فاطمہ!“ ٹہلتے ٹہلتے وہ رکا اور انگلی اٹھا کر اس کی طرف دیکھا جو بیڈ پر بیٹھی سپاٹ آنکھوں سے اسے دیکھ رہی تھی۔جھنجھلاہٹ اس کے پورے جسم میں رینگ رہی تھی۔
” میرے سامنے زیادہ ہوشیار بننے کی کوشش مت کیا کرو۔ تم میری بیوی ہو….“
” بیوی ہوں تو بیویوں کی طرح رکھیں نا!“ سرمد نے سرخ انگارا آنکھوں سے اسے دیکھا۔
” تم عورت ہو فاطمہ! عورت بن کر رہو!“
” تمہارے نزدیک عورت کون ہوتی ہے؟“ اس کا لہجہ سخت ہوا۔ ”جس پر ہاتھ اٹھایا جا سکے؟ جس پر مسلسل ظلم کیا جائے؟ جو ہر طرح اپنے مرد کے تشدد کو برداشت کرتی رہے؟ جو اپنے مردوں کے قدموں پر گر جائے؟ یہ ہے نا عورت تمہارے نزدیک…؟؟“ وہ پھنکاری۔
” چپ!!“ وہ چِلایا۔ فرطہ غضب سے لب کپکپا رہے تھے لیکن اس نے ہاتھ نہیں اٹھایا۔ کیونکہ مقابل وہ عورت تھی جس سے کبھی اس نے محبت کی تھی۔
” میں چپ نہیں رہ سکتی سرمد!“ وہ اٹھ کھڑی ہوئی۔ سرمد نے متنفر آنکھوں سے اسے گھورا۔
” کیسے چپ رہوں میں؟ کیسے خاموش رہوں؟ تم کس طرح ایک عورت کو اپنے ظلم کا نشانہ بنا سکتے ہو؟ کیسے کر لیتے ہو تم مرد عورتوں پر ظلم؟ کیسے تشدد کر لیتے ہو؟ ہاتھ بھی کیسے اٹھ جاتا ہے تم لوگوں کا عورتوں پر؟ کہاں سے لاتے ہو اتنی بے غیرتی؟ اتنی ہمت؟“ اس کی آنکھیں حددرجے دکھ سے بھیگ گئیں۔ سرمد نے لب بھینچ کر خود کو روکا ہوا تھا۔
” تمہاری کوئی بہن یا بیٹی نہیں ہے نا اسی لیے تمہیں کبھی سمجھ آ ہی نہ سکا کہ عورت ہوتی کون ہے۔ اگر تم مرد عورتوں سے مردوں جیسا سلوک کرو گے تو عورت ٹوٹ جائے گی۔ کیوں نہیں سمجھ آتی تم لوگوں کو اتنی چھوٹی سی بات؟؟ تم مردوں میں اگر اتنی طاقت ہے تو اپنی طاقت ہم عورتوں پر کیوں نکالتے ہو؟ ایک گھوڑا بھی بلاوجہ کسی چریا کو نہیں مارتا سرمد! جانور ہونے کے باوجود وہ تم انسانوں سے زیادہ بہتر ہے۔

Download Link