Dehekta Sehra
Episode 04
⭐⭐⭐⭐⭐⭐⭐⭐⭐⭐⭐⭐⭐
“گڈ مارنگ مام ۔۔۔۔”
وہ ایبک کی مدد سے ٹیبل سیٹ کر رہیں تھیں جب رانیہ کی آواز پر چونکیں۔۔۔۔
” گڈ مارنگ میری جان۔۔۔۔۔۔”
وہ والہانہ لہجے میں بولیں جس پر وہ کھلکھلاتی ان کی بانہوں میں سما گئی۔۔۔۔انھوں نے محبت سے جھک کر اسکی صبیح پیشانی چومی۔۔۔۔۔۔۔۔سیاہ جینز ٹاپ میں وہ بالوں کی اونچی پونی کیے چودہ سال کی خوبصورت بچی تھی۔۔۔نقوش کچھ ان سے ملتے تھے کچھ میں رجب صاحب کی جھلک نمایاں تھی۔۔۔۔۔۔
” ڈیڈ کہاں ہیں؟؟۔۔۔۔اس وقت تک تو آجاتے ہیں۔۔۔۔۔۔”
پلیٹ سے کھیرا اچکتے وہ حیرت سے بولی۔۔۔۔۔
” میں یہاں ہوں پرنسیس۔۔۔۔۔”
سیڑھیاں اترتے وہ اسکی بات سن کر محبت سے بولے جس پر وہ چہکتی انکے سینے میں سمائی۔۔۔۔انکی محبت کو دیکھتے عصرہ بیگم کے لب بے ساختہ مسکرائے تھے۔۔۔۔جبکہ اوپر ریلینگ پر کھڑے اسامہ کی آنکھیں جل اٹھیں تھیں۔۔۔۔۔۔ریلنگ پر گرفت بے ساختہ مضبوط ہوئی تھی۔۔۔۔۔۔۔مگر لب بھینچ کر خود پہ قابو پاتے وہ سیدھا ہوا۔۔۔۔۔نیچے ہال تک آتے وہ خود پر قابو پا چکا تھا۔۔۔۔۔۔
” گڈ مارنگ پرنس۔۔۔۔آئیں بیٹھیں بتائیں کیا لیں گے ناشتے میں؟؟۔۔۔۔”
اسے یوں خلاف توقع ٹیبل پر آتے دیکھ وہ خوشی سے بولیں۔۔۔۔۔سیاہ جینز بلیو سویٹر میں بلیو ہی جاگرز پہنے بالوں کو نفاست سے سیٹ کیے وہ دنیا جہاں کی بے زاری چہرے پر سجائے کھڑاتھا۔۔۔۔ اسنے انھیں اگنور کرتے اطمینان سے گلاس میں جوس ڈالا اور پیا۔۔۔۔اسکی اس بے اعتنائی پر عصرہ بیگم کا چہرہ پھیکا پڑا۔۔۔۔ رجب صاحب نے بے ساختہ کرب سے آنکھیں میچیں۔۔۔ہر بار اسکے ناروا سلوک پر انکے دل میں ٹیس سی اٹھتی تھی۔۔۔۔۔۔
” بھائی آپ یہ پراٹھا لیں نا۔۔۔۔بہت اچھا بنایا ہے مام نے۔۔۔۔”
ماحول کی سنگینی کو دیکھتے رانیہ نے موضوع بدلا۔۔۔۔اسکے سوال پر اسامہ ویسی بے اعتنائی جاری نہیں رکھ پایا۔۔۔۔چونک کر اسے دیکھا جو مسکرا کر اسے دیکھ رہی تھی۔۔۔۔
نو تھینکس میں پراٹھا نہیں کھاتا سویٹی۔۔۔۔”
بے تاثر لہجے میں وہ اس بار صیح معنوں میں عصرہ بیگم کی آنکھیں نم کر گیا۔۔۔۔۔لہجے کے برعکس اسکے الفاظ نرم تھے۔۔لیکن یہ نرمی صرف رانیہ کے لیے مختص تھی۔۔۔۔ورنہ تو سالوں سے اسکے اندر کی نرمی ختم ہو چکی تھی۔۔۔۔۔۔
” مگر آپکو تو پراٹھے پسند تھے اسامہ۔۔۔۔۔”
اسکے دوٹوک انکار پر وہ خود کو اس سوال سے باز نہیں رکھ پائیں تھیں۔۔۔۔
” تھے۔۔۔۔مجھے پراٹھے پسند تھے مسز رجب۔۔۔۔لیکن اب مجھے پراٹھوں سے نفرت ہے۔۔۔۔۔”
تلخی سے کہہ کر وہ گلاس پٹختا قہر برساتی نظروں سے رجب صاحب کو دیکھتا مڑ کر نکلتا چلا گیا۔۔۔۔۔۔اسکے لہجے کی تلخی محسوس کرتے اسکی پشت دیکھتی انکی آنکھوں کی نمی گالوں پر لڑک آئی تھی۔۔۔۔۔جبکہ رجب صاحب تھکے تھکے انداز میں اٹھے اور بنا خدا خافظ کہے بریف کیس اٹھاتے پورچ کے طرف چلے گئے۔۔۔۔۔۔۔ہر بار کی طرح آج بھی ان سب کی موجودگی میں ناشتہ ادھورا رہ گیا تھا۔۔۔۔۔۔ایسے کئی ناشتے ایسے ہی ادھورے رہ جاتے تھے جب بھی اسامہ ان کے درمیان موجود ہوا تھا۔۔۔۔۔۔
⭐⭐⭐⭐⭐⭐⭐⭐⭐⭐⭐⭐⭐
سخت غصے میں جھٹکوں سے گئیر بدلتا وہ ضبط کی انتہا پر تھا۔۔۔۔ہر بار کی طرح اس بار بھی عصرہ بیگم سے اسکی گفتگو نے اسکا پارا آسمان پر پہنچا دیا تھا۔۔۔۔۔۔ہر بار انھیں اذیت دے کر وہ خود کو دہکتے الائو میں جھلستا تھا۔۔۔۔مگر انکا چہرہ دیکھتے ہی دل میں آگ سی بھڑک اٹھتی تھی۔۔۔۔۔جس سے چھٹکارا وہ انھیں اذیت دے کر حاصل کیا کرتا تھا۔۔۔۔لیکن اس اذیت سے نکل کر وہ نئے سرے سے بکھرتا تھا۔۔۔۔۔
یونی کی پارکنگ میں پہنچتے اسکے شعور میں کل کا واقعہ روشن ہوا۔۔۔۔اسے اپنی رگیں کھنچتی محسوس ہوئیں۔۔۔۔
” مجال ہے جو کہیں سکون نصیب ہو۔۔۔۔جہاں جائو کوئی نا کوئی عذاب میرے لیے تیار رہتا ہے۔۔۔۔۔۔ڈیم۔اٹ۔۔۔۔”
سٹیرنگ ویل پر مکہ رسید کرتے وہ طیش میں بڑبڑایا تھا۔۔۔۔۔سیاہ آنکھوں میں وہی ہراساں چہرہ گھوما جس نے کل اسے آتش فشاں بنا دیا تھا۔۔۔۔۔لب بھینچتے جھٹکے سے کار کا دروازہ کھولتے وہ باہر نکلا ۔۔۔۔۔
” سو مس جسٹ ویٹ اینڈ واچ۔۔۔۔اٹس ٹائم ٹو سٹارٹ دی شو۔۔۔۔۔”
سامنے دیکھتے وہ پراسرار لہجے میں بولا ۔۔۔لہجے میں ان دیکھی وخشت نمایاں تھی۔۔۔۔اور آنکھیں سرد تھیں۔۔۔۔۔۔سیاہ آنکھوں کی ٹھنڈک اور پراسراریت میں کئی بھید چھپے تھے۔۔۔جن تک رسائی ناممکن تھی۔۔۔۔۔
” ہاں کہاں ہے؟؟ وہیں رک میں آرہا ہوں۔۔۔۔”
سیل پر حیدر کا نمبر ملاتے مختصر بات کرکے سیل جیب میں رکھتے وہ سرعت سے گیٹ کی طرف بڑھتا چلاگیا۔۔۔۔۔
⭐⭐⭐⭐⭐⭐⭐⭐⭐⭐⭐⭐⭐
” اسلام علیکم امی۔۔۔۔۔”
سامنے ڈائینگ پر زاہدہ بیگم اور ابیہا ولید کو دیکھتے وہ گویا ہوئی۔۔۔۔ولید کے لیے چائے نکالتے زاہدہ بیگم کے ہاتھ بے ساختہ رکے تھے۔۔۔۔۔۔زری کی طرف دیکھا جو برائون شلوار سوٹ میں بڑی سی چادر میں خود کو چھپایے کھڑی تھی۔۔۔۔۔۔چہرہ مرجھایا ہوا تھا۔۔۔۔۔بھوری آنکھوں میں تھکن نمایاں تھی۔۔۔۔۔
” وعلیکم اسلام ۔۔۔آئو ناشتہ کرو۔۔۔۔”
اسکے سلام کا جواب دیتے وہ محبت سے بولیں جس پر وہ آگے بڑھی۔۔۔۔۔
” ویسے بجو کل آپکا فرسٹ ڈے تھا نا۔۔۔۔۔کیسا گزرا؟؟۔۔۔۔۔”
ولید پرتجسس لہجے میں بولا جس پر زری بے ساختہ چونکی۔۔۔۔کل کے نام پر وہ منظر اسکی نگاہوں میں گھوما جس کی وجہ سے وہ کل رات سو بھی نہیں پائی تھی۔۔۔۔۔رنگت پل میں زرد ہوئی تھی۔۔۔۔
” ہاں ٹھی۔۔ٹھیک تھا۔۔۔۔۔”
بمشکل بولتے اسنے جلدی سے چائے کا کپ لبوں سے لگا لیا۔۔۔۔۔
” سنا ہے آپکی یونی بہت بڑی ہے۔۔۔۔بہت سے لوگ ہوں گے نا وہاں؟؟۔۔۔۔”
اب کے ابیہا اشتیاق سے بولی ۔۔۔۔اسکے لہجے کی معصومیت پر زری کے اعصاب ڈھیلے پڑے ۔۔۔۔بے ساختہ مسکرا کر اسکا بے ریا چہرہ دیکھا۔۔۔۔۔
” ہاں بہت سے لوگ ہیں۔۔۔۔اتنے کے تم وہاں گئی تو گم ہو جائو گی۔۔۔۔۔”
پیار سے جھک کر اسکا گال چومتے وہ محبت سے بولی۔۔۔۔جس پر زاہدہ اور ولید بے ساختہ مسکرائے تھے۔۔۔۔۔۔
” اچھا امی اجازت دیں اب چلتی ہوں ۔۔۔۔”
جلدی سے چائے ختم کر کے وہ زاہدہ بیگم کے سامنے جھکی۔۔۔۔۔
” جائو اللہ کی امان میں دیا۔۔۔۔۔”
آیت کرسی کا حصار اسکے گرد باندھتے انھوں نے اسکی پیشانی چوم لی۔۔۔انکے مامتا بھرے لمس کو روح کی گہرائیوں تک محسوس کرتے وہ ان کا سر چوم کر باہر نکلی۔۔۔۔
⭐⭐⭐⭐⭐⭐⭐⭐⭐⭐⭐⭐⭐
” کہاں چھپ رہی ہو لڑکی؟؟؟۔۔۔۔ اتنی جرآت کے بعد تو تمہیں سر اٹھا کر میرا سامنا کر نا چاہیے۔۔۔۔۔۔”
یونی پہنچ کر پہلے 2 پیریڈ اٹینڈ کرتے اسکا دن پرسکون گزرا ۔۔۔۔۔اس دوران کل کا ڈر بھی کم ہو گیا تھا ۔۔۔مگر جیسے ہی وہ لنچ کے لیے کینٹین کی طرف بڑھی سامنے اسے کھڑے پا کر خوف سے زرد پڑتی جلدی سے مڑی۔۔۔مگر برا ہو جو اسنے اسے دیکھ لیا تبھی سرعت سے آگے بڑھ کر اسکا راستہ روک لیا۔۔۔۔۔۔
جہاں اسکے اچانک سامنے آنے پر وہ خوف سے سفید پڑی تھی وہیں اسکی بات پر دل دھڑکنے سے انکاری ہوا۔۔۔۔۔۔اسکے چہرے پر سجی طنزیہ مسکان اور آنکھوں میں سلگتے شعلے زری کو مزید وخشتزدہ کر گئے۔۔۔۔
” دیکھیں۔۔مم۔۔۔میں معافی چاہتی ہوں ۔۔۔میں نے کچھ بھی جان بوجھ کر نہیں کیا تھا۔۔۔۔۔”
اسکے چہرے پر سجے پتھریلے تاثرات کو دیکھتے وہ بڑی دقت سے بولی۔۔۔۔اسکے لہجے کی لرزاہٹ،لبوں کا کپکپانا،بھیگی پلکیں کچھ بھی تو چھپا نہیں تھا۔۔۔۔۔۔اسکی جھکی پلکیں گواہ تھیں کہ کل جو بھی ہوا وہ اسکے ڈر کی وجہ سے ہوا تھا۔۔۔۔۔۔اسے دیکھتے اسامہ کے عنابی لبوں پر مسکان ابھری۔۔۔۔بڑی بھید بھری مسکراہٹ تھی۔۔۔۔۔
” ہہمممم۔۔۔۔معافی چاہیے۔۔۔لیکن کل تو سب کے سامنے تمنے مجھے تھپڑ مارا تھا۔۔۔تو معافی اکیلے میں کیوں مانگ رہی ہو؟؟؟؟۔۔۔۔”
اسکی جھکی پلکوں پر نظریں جمائے وہ طنزیہ گویا ہوا۔۔۔۔۔اسکی بات پر زری نے ہراساں ہو کر اسکی طرف دیکھا جس کی سیاہ بے تاثر آنکھیں اسی پر مرکوز تھیں۔۔۔۔۔۔
” لل۔۔لیکن۔۔مم۔۔۔۔۔”
” بس بس تمہارے بولنے تک میں بوڑھا ہو جائوں گا۔۔۔۔۔”
اسکے لڑکھڑاتے لہجے پر وہ بے زار ہوتا چڑ کر بولا ۔۔۔جس پر زری کی آنکھیں بے ساختہ بھیگیں۔۔۔۔۔
” ہمم۔۔۔اوکے ۔۔۔جائو تمہیں معاف کیا۔۔۔۔”
اسکی بھیگی پلکوں پر نظریں جمائے وہ بدلے ہوئے لہجے میں عجیب سے انداز میں بولا کہ اسکے اتنی جلدی مان جانے پر زری نے چونک کر اسکی طرف دیکھا۔۔۔۔۔سیاہ سرد آنکھوں میں کچھ تھا جس نے اسکی ریڑھ کی ہڈی میں سرد لہر دوڑا دی۔۔۔۔۔۔۔
Episode 05:
https://youtu.be/RhIk-sN4SJw?si=jKApjOxGtPnkFeUi
Episode 06: https://youtu.be/HLzcBbbrhpQ?si=PZd8oU3E7JGWRBkd
Episode 07:
https://youtu.be/h-_yCTLSY-Y?si=K_F1SrijByso_GBy
