Bin Bass by Sundus Sheikh

واصل کو بریانی بہت پسند تھی، انہوں نے وہی بنانا شروع کردیا۔۔

دو ڈھائی گھنٹے گذر گئے ہیں واصل! کب سے کمرے میں کیا کر رہا ہے امّی۔؟ صبغہ! نے سلاد کاٹتے ہوئے فکر مندی سے پوچھا

میں جب گئی تھی تو کامی! کے پاس بیٹھا کچھ پڑھ رہا تھا۔ انہوں نے بریانی دم‌ پر لگا کر اطمینان سے جواب دیا

وہ دیکھو آ بھی گیا۔ ان کی اچانک نظر کچن کی طرف آتے ہوئے واصل! پر پڑی

مہک پہونچ گئی ہو گی تم تک تبھی آگئے ہو۔ صبغہ! نے اسے چھیڑا

کیا ہوا بیٹا۔۔؟ سلمیٰ نے اسے بت کی طرح ایستادہ دیکھ کر پوچھا

آپ کو‌ ان سب سے آسائشات سے اپنے بیٹے کے لہو ٹپکتا ہوا نہیں محسوس ہوتا۔۔ وہ ان کی طرف دیکھتا ہوا برفیلے لہجے میں پوچھ رہا تھا

سلمیٰ! کے قدموں تلے زمین نکل گئی۔

صبغہ! کے ہاتھوں میں چھری کپکپا کر رہ گئی۔

وہ دونوں وحشت زدہ سی ایک دوسرے کو تک رہی تھیں۔

بات سنیں دیکھیں میری طرف، دوسرے لوگوں سے تو بعد میں حساب کتاب لیا جائے گا پہلے آپ یہ بتائیں، آپ تو ماں ہیں نا آپ کا دل نہیں کانپا؟ اس نے ایک جھٹکے سے انہیں پکڑ کر ان کا رخ اپنی طرف کیا.

یہ فریج، اے سی، روم ہیٹر، یہ خوبصورت گھر یہ ساری آسائشات سے فائدہ اٹھاتے وقت آپ کو ایک بار بھی، اندھیرے کمرے میں لیٹا اپنا بیٹا یاد نہیں آیا۔۔؟ اس کی آنکھوں سے لہو ٹپک رہا تھا

سلمیٰ! کی آنکھوں سے بے اختیار آنسو ٹپک رہے تھے۔

مجھے چبھ رہی ہے اس گھر کی ایک ایک چیز، مجھے اب سمجھ میں آرہا ہے کہ کیوں میرا بھائی، کبھی اپنے کمرے کا پنکھا نہیں چلاتا تھا، سردی ہو یا گرمی وہ ہمیشہ زمین پر ہی سوتا تھا، افف-‘ میں کیا کروں مجھے لگتا تھا میرے بھائی کا دماغی توازن ٹھیک نہیں اس لئے وہ ایسا کرتا ہے مگر اب مجھے پتہ چلا میرا بھائی آپکی طرح بے ضمیر نہیں تھا کہ اسکی عزت نفس کو نیلام کرکے ملی گئی آسائشات کا خوشی خوشی فائدہ اٹھائے۔۔ وہ بے قابو ہوکر چیخ رہا تھا۔

وہ دونوں ماں اور بیٹی سہمی سہمی سی دیوار سے چپکی اس کا یہ جنونی روپ دیکھ رہی تھیں۔

وہ چیختا چلاتا اپنے کمرے میں جاکر دروازے بند کرکے بیٹھ گیا۔۔ اس کا دل چاہ رہا تھا وہ پوری دنیا تہس نہس کردے۔

سلمیٰ! نے بےبسی سے اسکے بند دروازے کو دیکھا، کیا اب وہ اپنے دوسرے بیٹے کو بھی کھو دیں گی کیا یہ بھی کمرے کی تاریکی کی نذر ہو جائے گا۔ ایک خوف کنڈلی مار کر ان کے ا‌ندر بیٹھ گیا…..

****

Click here to download novel