Terhween by Shireen Haidar

Click the link below to download the novel 

Terhween by Shireen Haidar

اس کی ماں نگین ، جس بیچاری نے ابھی زندگی کی بتیسں بہاریں ہی دیکھی تھیں،

اوپر تلے بچے جن کر اس کے پلے رہ ہی کیا گیا تھا جو وہ ساتویں بیٹی کو

جنم دے کر بھی کسی کو منہ دکھانے جوگی رہتی ،

اسے تو یوں بھی اس جرم میں گھر بدر کر کے تیسری کو لیے آیا جاتا۔

وہ جو اس روز نہیں مرتی تو بھی ہر روز مرا کرتی ،

سات بیٹیاں اور ماتھے پر طلاق کا ٹھپا لے کر اسے جو جینا تھا،

اس کا حل ایک بار مر جانا ہی ہوتا ہے۔ کوئی ایسا طبی ٹیسٹ نہ تھا جو کوئی اس کے باپ شاہد میاں کو بتا سکتا

کہ وہ کس عورت سے بیٹے پیدا کروا سکتا ہے۔

سو وہ صبر کر کے بیٹھ گیا کہ اس کے سوا چارہ نہ تھا۔

یوں بھی اب کون سا اس کی اماں اس قابل رہ گئی تھیں جو اپنے بیٹے کے سر پر تیسری بار سہر اسجانے کے لیے کمر باندھ کر نکلتیں۔ ا

س بچی کی ماں کے مرنے بلکہ اس کے مرنے کا کھانا کھانے میں

ہر کوئی اتنا مصروف تھا کہ کسی کو علم ہی نہ تھا کہ صرف ماں مری تھی،

جسے اس نے موت سے جنگ کر جنم دیا تھا وہ تو زندہ تھی ،

اس کا کوئی والی وارث نہ تھا۔ بھوک سے بلک بلک کر جب اس نے پورا آنگن سر پر اٹھا لیا

تو سب کو یاد آیا کہ وہ اسی دن پیدا ہونے والی بچی تھی، اس گھر کی تیرھویں اولاد…

تیر ھویں بیٹی۔ ارے کون ہے یہ جو گلا پھاڑ پھاڑ کر رو رہی ہے ؟

اس کی بستر پر پڑی، بوٹیاں کھولتی دادی نے بلند آواز سے کہا

تو جواب میں کسی نے کہا کہ تیرھویں رو رہی ہے، اس کے بعد” تیرھویں“ ہی اس کا تعارف بن گیا۔

وہ گھر کے کسی نہ کسی کونے میں پڑی رہتی،

اس کے رونے کی آواز آتی جب وہ اپنا لنگوٹ گیلا کرتی یا بھوکی ہوتی۔

کسی نے اس کے کان میں اذان دی تھی یا گھٹی کسی نے اس کے بال اتروائے یا نہیں،

اس سے کسی کو غرض نہ تھی۔ کبھی بڑی بہنوں میں سے کوئی اٹھا لیتا یا ہمت کر کے

اس کی سوتیلی ماں ہی لوگوں کو دکھانے کی خاطر اسے گود میں لے لیتی ،

اس کی ماں کی موت کے ساتھ ہی سوتیلا پن ختم ہو گیا تھا ،

اب کسی سے حسد کرنا۔ اس منھی سی جان پر اسے ترس بھی بہت آتا تھا۔۔۔۔