Mausam e ghame jana na ho Hani Tabassum Novel20813

Romantic Novel | Family Drama | Emotional Fiction | Complete Urdu Novel

Short Description

موسمِ غمِ جاناں نہ ہو ہانی تبسم کا ایک انتہائی جذباتی اردو ناول ہے جس میں محبت، دھوکا، ٹوٹے خواب، خاندانی عزت، رشتوں کی آزمائش اور تقدیر کے غیر متوقع فیصلوں کو نہایت خوبصورتی سے پیش کیا گیا ہے۔

کبھی ایک فون کال پوری زندگی کے خواب بدل دیتی ہے۔

حوریہ کا نکاح دو سال قبل اس کے تایا زاد عادل سے ہوا تھا جو نکاح کے بعد امریکہ چلا گیا تھا۔ اب صرف دس دن بعد شادی تھی اور پھر یہ دس دن بھی پلک جھپکتے گزر گئے اور حوریہ کو مایوں بٹھایا گیا، جب وہ سہیلیوں کے گھیرے میں پیلا جوڑا پہنے اور ڈھیروں ڈھیر پھولوں کے گجرے کلائیوں اور بالوں میں سجائے بیٹھی تھی، نوریہ اندر آئی، اس کے ہاتھ میں موبائل تھا۔ “آپی پلیز! ذرا میری بات سنیں۔” وہ اسے لیے دوسرے کمرے میں آ گئی اور اسے موبائل پکڑایا۔ “عادل بھائی آپ سے بات کرنا چاہتے ہیں۔” استفہامیہ نظروں کے جواب میں اس نے کہا تو حوریہ کا دل دھڑک اٹھا، رخسار جل اٹھے تھے۔ اس کا پیارا سا روپ دیکھ کر مسکراتے ہوئے نوریہ باہر چلی گئی تو اس نے موبائل کان سے لگا لیا۔ “ہیلو!” وہ بہت دھیمی آواز میں بولی تو دوسری طرف سے کافی دیر بعد آواز آئی۔ “ہیلو حوریہ، میں عادل بول رہا ہوں۔” وہ چپ رہی۔ “تم سن رہی ہو ناں؟” وہ کافی عجلت میں لگ رہا تھا۔ “ہاں، سن رہی ہوں۔” “حوریہ، میں نہیں آ سکتا یار۔” وہ بولا تو حوریہ دھیرے سے ہنسی۔ “کہاں نہیں آ سکتے؟” “پاکستان۔” اس نے جیسے کوئی بم پھوڑا تھا۔ حوریہ نے موبائل کان سے ہٹایا اور اسے دیکھا، پھر کان سے لگا لیا۔ “آپ کیا کہہ رہے ہیں، میری کچھ سمجھ میں نہیں آیا۔” وہ رک رک کر بولی۔ “حوریہ، میں تم سے شادی نہیں کر سکتا۔ میں یہ بات اپنے والدین کو سمجھا سمجھا کر تھک گیا ہوں لیکن ان پر اثر ہی نہیں، پلیز تم میری مدد کرو۔” وہ ملتجیانہ انداز میں بولا تو حوریہ کو لگا جیسے زمین آسمان اپنی جگہ چھوڑ رہے ہیں۔ اس نے گھومتے ہوئے سر کو تھام لیا اور بولی: “آپ اپنی بات کی وضاحت کریں گے؟ آپ کی مکمل رضامندی سے ہمارا نکاح ہوا تھا، اب کیا تکلیف ہے؟” وہ سنبھل چکی تھی۔ “حوریہ، اوہ ایک حماقت تھی میری۔” “آپ کو اب خیال آیا کہ وہ آپ کی حماقت تھی اور مجھ سے یہ امید لگا لی کہ میں آپ کی مدد کروں گی؟” اس کی بات کاٹ کر وہ کھولتے ہوئے بولی۔ “میری بات سمجھنے کی کوشش کرو، میں نے بہت سوچا لیکن میرا تمہارا کوئی جوڑ نہیں۔ تم ایک تو مشرقی لڑکی ہو اور میں ایک آزاد خیال بندہ اور پھر میں نے یہاں ایک امریکن لڑکی سے شادی کر لی ہے۔” “یہ بات آپ پہلے بھی جانتے تھے کہ میں ایک مشرقی لڑکی ہوں، پھر بھی مجھے پسند کیا اور نکاح کا ڈھونگ رچا لیا اور وہاں کسی گوری کی زلفوں کے اسیر ہو گئے تو اب یاد آ رہا ہے۔ عادل سعید صاحب! آپ نے مجھے کھلونا سمجھ رکھا تھا۔ آپ کو اپنی عزت کا کوئی خیال نہیں ہے، اپنے ماں باپ کی عزت کا ہی خیال رکھا ہوتا۔” غصے کی شدت سے وہ نجانے کیا کیا بول گئی۔ “تمہیں تو میرا شکر گزار ہونا چاہیے کہ میں بروقت بتا رہا ہوں، کیا یہ ٹھیک ہوتا کہ میں تم سے شادی کر لیتا اور ساری زندگی تم انتظار کی آگ میں جلتی رہتیں؟” وہ بہت بے رحم ہو رہا تھا۔ حوریہ رونے لگی تھی۔ “ہاں، آپ کا بہت بہت شکریہ کہ آپ نے مجھے ساری زندگی کے انتظار سے بچا لیا اور مجھے، میرے ماں باپ کو ساری زندگی کے لیے ذلت کی اتھاہ گہرائیوں میں دھکیل دیا۔ آپ کا بہت شکریہ کہ آپ نے مجھے بتا دیا بروقت، جبکہ میں شگون کا جوڑا پہنے بیٹھی ہوں۔ کتنے ٹائم پہ آپ کو یاد آیا ناں کہ آپ نے مجھے انتظار کی آگ سے بچانا ہے۔ میں کس کس بات کا شکریہ ادا کروں۔” دل جیسے پانی بن کر بہنے لگا تھا اور وہ اس پانی میں ڈوبنے لگی تھی۔ “تم چچا جان کو سمجھاؤ کہ اس شادی کے نقصانات کتنے ہیں۔” “یہ کام آپ خود کریں کیونکہ آپ کے کسی قول پہ اعتبار نہیں۔ ہاں، ایک دفعہ پھر آپ کا بہت شکریہ عادل صاحب کہ آپ نے مجھ پہ یہ اتنا بڑا احسان کیا۔” اس نے موبائل آف کیا اور وہیں بیٹھ کر رونے لگی۔ دوبارہ موبائل کی گھنٹی بج اٹھی۔ اس نے نمبر دیکھا اور اسے آن کیا۔ دوسری طرف عادل تھا۔ “دیکھو، میں تمہیں جلد ہی طلاق کے کاغذات پہنچا دوں گا۔ تم بہت اچھی ہو، میں نہیں چاہتا کہ تمہاری زندگی ضائع ہو۔” وہ نجانے اور کیا کہہ رہا تھا۔

نیچے دیے گئے 4 ڈاؤنلوڈ لنکس میں سے 3 لنکس پر اشتہار آ سکتا ہے، جبکہ 1 لنک اصل ڈاؤن لوڈ لنک ہے۔

Share this Novel

Share QR Share Link Copy Code