Roshni Si Charsoo Hai Novel by Nayab Jeelani Novel20814

Emotional Romance | Marriage & Divorce | Arranged Marriage | Forced Marriage | Husband & Wife Relationship | Emotional Family Drama | Misunderstandings | Pakistani Urdu Novel | Complete Novel

Short Description

روشنی سی چارسو ہے نایاب جیلانی کا ایک دل کو چھو لینے والا اردو ناول ہے جس میں محبت، انا، غلط فہمیاں، مجبوری کی شادی، اعتماد، خودداری اور رشتوں کی آزمائش کو نہایت خوبصورتی سے پیش کیا گیا ہے۔

A powerful Urdu novel about love, forced marriage, misunderstandings, self-respect, sacrifice and emotional healing.

Roshni Si Charsoo Hai Novel کبھی ایک فیصلہ پوری زندگی کی سمت بدل دیتا ہے۔

طلاق؟ تمہیں طلاق چاہیے؟ موتیے اور ایئر فریشنر کی خوشبو سے مہکتے اس کمرے میں اچانک یوں لگا تھا کسی نے گیس کے چولہے کا برنر کھول دیا ہو۔ وہ اچھل کر دور ہٹا، گویا کسی انگارے کو ہاتھ لگا لیا تھا۔ اس کے چہرے پر حیرت، دکھ، صدمے اور بے یقینی کے کئی رنگ ایک ساتھ جھلکنے لگے تھے۔ سومیہ کو ایک پل کے لیے افسوس سا ہونے لگا۔ جمال کے چہرے پر سائے لہرا رہے تھے، گرمی کی شام کے بھیاانک سائے۔ “ہاں،” سومیہ نے سر جھکائے لرزتی آواز میں اپنا مطالبہ دہرا دیا۔ “تمہیں، یعنی سومیہ مراد کو نکاح کے محض چھ سات گھنٹے بعد اپنے شوہر سے طلاق چاہیے؟” وہ شاید اب تک حیرت اور بے یقینی کے جھٹکوں سے سنبھل چکا تھا، تبھی سومیہ کے بجھے ہوئے سراپے کو ایک نظر دیکھ کر سمجھتے ہوئے لہجے میں بولا۔ “ہاں،” وہ بھی خود کو مضبوط ظاہر کرنے کے چکر میں بھرپور اعتماد کا مظاہرہ کرنے لگی تھی۔ “کیوں؟ وجہ پوچھ سکتا ہوں؟” جمال نے اپنی اکھڑی ہوئی سانسوں کو ہموار کرنے کی کوشش کی تھی۔ وہ ضبط کے کڑے مراحل سے گزر رہا تھا۔ اس کے لہجے کی روانی اور چہرے کے تاثرات سے کچھ بھی اندازہ لگانا ممکن نہیں تھا۔ کچھ لمحے پہلے جذبوں اور تمناؤں کی تکمیل کے احساس سے یہ چہرہ دہک کر لو دے رہا تھا، مگر اب یوں لگتا تھا سامنے بیٹھا جمال مرسلین برف کی دیوار بن گیا ہے۔ سرد، بے حد سرد اور ہر احساس سے عاری۔ وجہ؟ سومیہ دھک سے رہ گئی تھی۔ یہ تو اس نے سوچا ہی نہیں تھا کہ کوئی وجہ بھی بتانا ہوگی۔ اسے جو کچھ کہا گیا تھا، وہ سب تو اس نے کہہ دیا تھا اور وجہ بھی اسے ذہن نشین کروائی گئی تھی۔ سو کچھ تامل کے بعد وہ دھیرے سے بولی: “ناپسندیدگی۔۔۔ اس شادی میں میری پسندیدگی شامل نہیں تھی۔” “کیا تمہیں نکاح سے پہلے خبر نہیں تھی؟ کیا عالمِ بے ہوشی میں دستخط کیے تھے؟” وہ یکدم زہر خند ہوا۔ “انکار کر دیتیں؟ کوئی زبردستی تھوڑی تھی۔” جمال کا رواں رواں سلگ اٹھا۔ “انکار؟” سومیہ نے پھر سے سوچنے میں کچھ وقت لیا تھا۔ “میرا انکار مجھے زمانے کی نظر سے گرا دیتا؟” “اتنی بھولی تو نہیں ہو، جس قدر بھولپن خود پر طاری کر رکھا ہے۔ اس چالبازی اور دھوکہ دہی کا حساب الگ سے لوں گا۔ ابھی تو مجھے صرف اپنی ناپسندیدگی کی وجہ بتاؤ۔” وہ تنفر سے اسے دیکھتا، غراتے ہوئے بولا۔ “یا تم کسی اور کو پسند کرتی ہو؟” سومیہ کی طویل خاموشی سے اکتا کر جمال نے پوچھا۔ “جی۔” سومیہ نے اثبات میں سر ہلا کر جمال کے بدترین خدشات کی تصدیق کر دی تھی اور اس وقت وہ جمال کو اس قدر زہر لگ رہی تھی کہ اس کا دل چاہ رہا تھا اس سجی سجائی مورت کو اٹھا کر باہر پھینک دے۔ ابھی تیکھے لفظ اس کے منہ پر مارے، مگر بہت سوچ و بچار کے بعد یہ غیر مناسب حل اس نے اطمینان سے ایک طرف رکھ دیے تھے۔ “مجھے دھتکارنے والی، ریجیکٹ کرنے والی سومیہ مراد بھی با مراد کبھی نہیں ہوگی۔ ہرگز نہیں۔ کم از کم میری زندگی میں تو نہیں۔” اس نے آخری سلگتی نظر سومیہ کے کپکپاتے وجود پر ڈالی

Share this Novel

Share QR Share Link Copy Code