Sulphite By Noor Rajput

Genre : Singer Hero | Innocent Heroin | Motivational Novel | Islamic Base | Friendship Base | Hidden Nikkah | Happy Ending

Download Link

وہ میری ہے! میں اسکی زندگی میں آنے والا پہلا مرد ہوں۔۔“
وہ دونوں کافی عرصے بعد مقابل آئے تھے۔۔ ہسپتال کی راہداری میں کھڑے وہ دونوں گلاس ونڈو کے
اس پار نظر آتے وجود کو دیکھ رہے تھے جسے بیڈ کے ساتھ باندھا گیا تھا۔۔
وہ دونوں وہی تھے سیاہ اور سفید۔۔۔ جن سے بندھا وہ وجود نفرت کرتا تھا۔
”وہ تمہاری کبھی نہیں ہو سکتی۔۔ کسی بھی قیمت پر نہیں۔۔“ سفید نے
سیاہ کی بات سن کر جواب دیا۔ لہجہ اٹل تھا۔ اسکی بات پر سیاہ مسکرادیا۔
”وہ سیاہ ہوچکی ہے۔۔ وہ میری ہوچکی ہے۔۔۔ میں اسے اپناؤں یا نہ اپناؤں وہ
میری ہی رہے گی۔۔“ کتنا یقین تھا سیاہ کو خود پر۔
”تم کچھ بھی کرلو وہ تمہیں کبھی نہیں مل سکتی۔۔“ سفید نے پھر اسکے یقین کی
دھجیاں اڑائیں۔ سیاہ نے ضبط سے جبڑے بھینچے۔
”کیوں۔۔۔ کیوں نہیں ہو سکتی؟؟“
”شی از مائی وائف!!“ سفید نے گویا دھماکہ کیا اور سیاہ نے اسے گردن موڑ کر اسے یوں
دیکھا جیسے اس نے کوئی انہونی بات کردی ہو۔ وہ پھٹی پھٹی نگاہوں سے اسے دیکھ رہا تھا
جسکا چہرہ جذبات سے عاری تھا۔
”اُم حانم ایسے ہی نہیں مل جاتی۔۔ ام حانم کے لیے روحان جبیل بننا پڑتا ہے!“ سفید نے
سینے پر بندھے ہاتھ اب پینٹ کی جیبوں میں ڈالے اور پلٹ کر سیاہ کو دیکھا جو اسے
ہی دیکھ رہا تھا۔ دونوں کی نظریں پل بھر کو ٹکرائیں۔
”وہ اب تک تمہارے پاس اس لیے تھی کہ میں نے ایسا چاہا تھا۔۔ اب میں نہیں چاہتا کہ
تم میری بیوی کے آس پاس بھی نظر آؤ!!“ اسکی آنکھوں میں، اسکے لہجے میں
کیا کچھ نہیں تھا۔۔ سیاہ کو اپنا وجود بھسم ہوتا نظر آیا۔
”مسٹر جبیل آئیے ہمیں آپ سے کچھ ضروری بات کرنی ہے۔۔“ اس سے پہلے کہ سیاہ کوئی
جواب دیتا اچانک وہاں ایک ڈاکٹر آئی اور سفید اسے وہیں چھوڑ کر چلا گیا۔۔ سیاہ نے بےیقینی سے گلاس ونڈو کے پار دیکھا۔
”اگر میں کبھی تمہیں کسی پاگل خانے میں قید نظر آئی تو اسکی وجہ تم ہوگے!“ اسکی سماعت سے
چند الفاظ ٹکرائے اور اپنا وجود ریت کی طرح اڑتا محسوس ہوا۔
Post Views: 680
Newer Mujhe Masat Ko Bha Gi Wo Sanwali By S Merwa Mirza
Back to list
Older Tum Bas Mere Ho By S Merwa Mirza

Related Posts

    Leave a Reply

    Your email address will not be published. Required fields are marked *