Short Description

مات نایاب جیلانی کا ایک شدید جذباتی اور معاشرتی اردو ناول ہے جو غلام فاطمہ کی زندگی، جھوٹے الزامات، خاندانی ظلم، شوہر کی بے وفائی، طلاق، ذہنی ٹوٹ پھوٹ اور ماں سے اس کے بچوں کی جدائی کی دردناک داستان بیان کرتا ہے۔

Ghulam Fatima apni begunahi sabit karti reh gayi, magar us se us ka shohar, izzat, career aur bachay sab cheen liye gaye. Parhiye Nayab Jilani ka complete emotional Urdu novel Maat.

جھوٹے الزامات، طلاق اور بچوں کی جدائی سے بکھرتی ایک بے گناہ عورت کی دردناک داستان۔

“کہاں سے منہ کالا کر کے آ رہی ہے نامراد؟” “دادی، میں…” پہلی مرتبہ دادی کے سامنے اس کی آواز لڑکھڑائی تھی۔ “خبردار! مجھے دادی کہنا اپنی ناپاک زبان سے، غلیظ کمینی۔ کیسی دیدہ دلیری سے واپس آ گئی ہو۔ کہاں تھیں رات بھر؟ کس کے ساتھ رنگ رلیاں مناتی رہی ہو۔ ارے بلاؤ فون حیدر کو، بتاؤ اسے آ گئی تمہاری عزت دار بیوی رات نہ جانے کس کے پاس گزار کر۔ ساری رات فون کرتا رہا ہے بیچارا بچہ، قسمت پھوٹ گئی میرے حیدر کی۔ گندے خاندان سے تعلق تھا۔ جیسی دادی، ویسی ماں اور ویسی ہی بیٹی بھی۔ رضوان! تیری آنکھوں پر کیسی پٹی باندھی تھی اس جادوگرنی نے۔” دادی کا واویلا جاری تھا۔ نادیہ پھوپھو بھی خبر سن کر آ گئی تھیں۔ وہ بھی دادی کے ساتھ اسے لعن و طعن کرنے میں مصروف تھیں۔ “دفع ہو جا میری نظروں کے سامنے سے۔” دادی چلا چلا کر بول رہی تھیں۔ پھر حیدر کو فون کیا گیا۔ فاطمہ نے تڑپ کر انگارے چباتی دادی کی طرف دیکھا۔ معیز بھی قریب ہی بیٹھا تھا۔ اس کی آنکھوں میں بے بسی کے آنسو تھے۔ حیدر نے نہ جانے کیا کیا کہا۔ فاطمہ لرزتی، کانپتی اپنے کمرے کی طرف بڑھ گئی۔ لوگوں کے دہکائے باتوں کے جھرمٹ میں وہ ہر لمحہ جلتی رہی تھی۔ خاندان بھر میں اس کی غیر موجودگی کی خبر نشر کر دی گئی تھی۔ اسے خاندان والوں اور جانے والوں کی ہی نہیں، حیدر کی نظروں میں بھی گرا دیا گیا تھا۔ اسے اس بات پر افسوس نہیں تھا کہ فاروقی ہاؤس کی عورتوں نے اس کی کسی بات پر یقین نہیں کیا۔ اسے حیدر کے بدل جانے کا صدمہ تھا۔ اسے حیدر کی بے اعتنائی نے دکھ دیا تھا۔ اسے حیدر کی بے وفائی نے پاگل کر دیا تھا۔ وہ رو رو کر اسے اپنی بے گناہی کا یقین دلاتی رہی۔ اسے کشف کی نفرت کی داستان سنائی۔ اسے تڑپ تڑپ کر کشف کے پلان کے بارے میں بتایا، مگر وہ تو گویا کان بند کر چکا تھا۔ اس نے جو سننا تھا سن لیا تھا، اب تو صرف فیصلہ کرنا باقی تھا۔ حیدر نے بس اتنا کہا۔ “میں سب کو جھٹلاتا رہا تھا کہ تم ایسی نہیں ہو، دادی کو، پھوپھو کو، جی کہ کشف کی باتیں بھی مجھے فضول لگتی تھیں، مگر تم نے ثابت کر دیا ہے کہ تمہاری ماں بھاگ کر آئی تھی۔ تمہاری دادی بھی اور تم بھی۔ تم سے کس نیک نامی کی توقع کی جاتی۔ تم نے مجھے ہی میری نظروں میں گرا دیا ہے۔ میں خود کو اس وقت ذلتوں کے گڑھے میں گرا محسوس کر رہا ہوں۔ تھوکتے ہوں گے لوگ میرے انتخاب پر۔” فاطمہ ساکت سی اس کے لبوں سے نکلنے والے الفاظ کو سنتی رہی۔ حیدر ایسا ہرگز نہیں تھا۔ اک بے یقینی کی کیفیت تھی۔ گھر والوں کا رویہ پہلے کون سا بہتر تھا۔ اب تو بدتر ہو گیا تھا۔ دادی نے اسے اچھوت سمجھ کر پہلے گیسٹ روم اور پھر سرونٹ کوارٹر میں شفٹ ہونے کا حکم سنا دیا تھا۔ اس کے برتن الگ کر دیے گئے، اسے بچا کھچا کھانے کو ملتا رہا۔ وہ سب کی نفرتیں برداشت کرتی رہی۔ سب کی گالیاں، کوسنے سنتی رہی۔ اس پر بے حسی کی دبیز چادر آہستہ آہستہ طاری ہو رہی تھی۔ یہ بے حسی خود فراموشی کی پہلی سیڑھی تھی جس پر وہ قدم قدم، زینہ بہ زینہ چڑھ رہی تھی۔ جب بھی کبھی کشف سے سامنا ہوتا تو وہ بڑے تفخر سے اس کی لحظہ بہ لحظہ گرتی حالت پر مسرور ہوتی۔ سب کے مجبور کرنے پر اور تمام شواہد اکٹھے کر کے حیدر نے فیصلہ سنا دیا۔ سب گویا اس گھڑی کا انتظار کر رہے تھے۔ حیدر نے طلاق کے پیپرز بھجوا دیے تھے اور گویا سب ہی نے حیدر کے اس عمل کو سراہا، سوائے حرا کے۔ حرا نے فون کر کے نہ صرف ماں بلکہ نانی سے بھی خوب جھگڑا کیا تھا، حیدر سے بھی بات کی مگر سب بے کار گیا۔ دادی تو اب ایک لمحہ بھی فاطمہ کو گھر میں رکھنے کے لیے تیار نہیں تھیں۔ اس کی حالت بھی گویا مدہوشوں جیسی تھی۔ جہاں بیٹھتی، خاموشی سے بیٹھی رہتی، کبھی چھت کو گھورنے لگتی، کبھی سب کی طرف دیکھ کر ہنستی اور کبھی بے تحاشا رونے لگتی۔ دادی اس کی حالت دیکھ کر منہ ہی منہ میں بڑبڑاتیں۔ “ڈرامے ہیں سب، کچھ بھی نہیں اسے۔” پھر جب اسے دورے پڑنے لگے تو دادی گھبرا گئیں۔ “پاگل خانے یا ہسپتال؟” سب نے ہسپتال کا ارادہ کر لیا۔ دو مہینے کے مختصر عرصے میں اسے ہسپتال پہنچا دیا گیا تھا۔ اس کی حالت پہلے سے بھی مزید بگڑتی چلی گئی۔ ایک دن کشف نہ جانے کیا دیکھنے کے لیے ہسپتال آئی تھی۔ کافی دیر بیٹھی رہی اور زیرِ لب بڑبڑاتی رہی۔ “کہاں گئی تمہاری ذہانت، تمہارا کیریئر، تمہاری خوشیاں؟ تم نے وہ سب کچھ لے لیا جس پر میرا حق تھا۔ تم ڈاکٹر بننا چاہتی تھیں نا غلام فاطمہ؟ ذرا آئینے میں خود کو دیکھنا، یوں لگتا ہے کوئی شکستہ سی، ٹوٹی پھوٹی عمارت کھڑی ہے۔ میں ڈاکٹر نہیں بن سکی تو پھر تمہیں کیسے بننے دیتی۔ حیدر میرا نہیں ہو سکا تو تمہارا کیسے رہنے دیتی۔” فاطمہ مگر فکر اس کی صورت دیکھتی رہی اور پھر ہنستی چلی گئی۔ کشف نے تنفر سے اسے دیکھا اور پھر مزید بولی۔ “نئی کلام فاطمہ! ہار گئی ہو تم، میں ہاری، تم جیتیں۔” فاطمہ نے کھلکھلا کر ہنسا اور ایک مرتبہ پھر ہنسنے لگی۔ وقت تھوڑا سا مزید سرکا۔ اس نے ہسپتال میں ہی دو جڑواں بیٹوں کو جنم دیا۔ اس نے رحم نہیں کھایا، اس کے دونوں بیٹوں کو اپنی بانجھ بیٹی کی گود میں ڈال آئی۔ کبھی کبھی اس کی ذہنی رو درست سمت میں بننے لگتی تھی تو اچانک اسے اپنے نومولود بچوں کا خیال آ جاتا اور پھر اس کی چیخوں سے ہسپتال کے در و دیوار ہل جاتے۔ اس دن بھی عمر رسیدہ اس نرس کو دیکھ کر فاطمہ نے چلانا شروع کر دیا تھا۔ “میرے بچوں کو لا دو! کہاں چھوڑ آئی ہو میرے بچوں کو۔