Short Description

فضا مہکنے لگی شازیہ مصطفیٰ کا ایک جذباتی اور رومانوی اردو ناول ہے جس میں شہریار اور ونیزہ کی اچانک ہونے والی شادی، خاندانی مخالفت، عزت، قربانی، محبت اور نئے رشتے کو قبول کرنے کی خوبصورت جدوجہد کو دلنشین انداز میں پیش کیا گیا ہے۔

Unexpected nikah, family opposition aur dheere dheere janam leti mohabbat ki khoobsurat kahani. Parhiye Fiza Mehaknay Lagi by Shazia Mustafa.

عزت بچانے کے لیے کیا گیا ایک نکاح، جو دو اجنبی دلوں کی تقدیر بدل دیتا ہے۔

بابا جان میں مجبور تھا اور میں نے کچھ برا تو نہیں کیا میں نے نکاح کیا ہے۔۔ وہ حسن احمد سے مسلسل بحث میں مصروف انہیں منانے کی بھی کوشش کر رہا تھا۔ “تمہارا باپ مر گیا تھا یا تمہاری ماں؟” وہ غضب ناک انداز میں دھاڑ رہے تھے۔ ذکیہ تو لرز رہی تھیں، کب سے دونوں باپ بیٹا بحث میں لگے ہوئے تھے۔ “بابا! اس وقت میری سمجھ میں نہیں آرہا تھا کیا کروں؟ ایک دکھی اور بیمار انسان کی عزت رکھ لی، کیا برا کیا؟” شہریار اتنا افسردہ اور ملال زدہ ہو رہاتھا حسن احمد کے ایسے درشت رویے پر، جو اس وقت صرف اپنی عزت کا سوچ رہے تھے، اس لڑکی کی عزت کا نہیں سوچ رہے تھے جو سارے زمانے میں رسوا ہو جاتی۔ اس کا گناہ کوئی ایسا تو نہیں تھا جو معافی کے قابل نہ ہوتا ۔۔ لڑکے والوں نے عین نکاح کے وقت اپنی شرائط رکھ دی تھیں، ہر کوئی سوچ میں پڑ گیا تھا اور خود ونیزہ کے چچا بھی سوچ میں پڑ گئے تھے۔ ان کے مرحوم بھائی کی اولاد تھی جسے انہوں نے اپنی اولاد کی طرح سینے سے لگا کے پالا تھا۔اور پھر اسکی بارات واپس چلی گی تھی اور وہ سرخ جوڑا پہنے اپنی قسمت کا مکوس رہی تھی ۔جب شہریار نے اسکا ہاتھ تھما تھا ۔۔ “میں تمہاری ایسی شادی کو نہیں مانتا، یہاں بھول کے بھی نہیں لے کے آنا اپنی بیوی کو۔” وہ یہ کہہ کر روم سے ہی نکل گئے۔ “ٹھیک ہے، جب میری بیوی کے لیے اس گھر میں جگہ نہیں تو میں بھی نہیں رہوں گا!” شہریار نے اپنا کوٹ اٹھایا۔ “نہیں شہریار! میرے بچے، ایسے نہیں بولو۔” ذکیہ تو ماں تھیں، ان کی دو ہی اولادیں تھیں؛ شہریار اور دوسرا واصف، جو امریکہ میں زیرِ تعلیم تھا، اسے تو یہاں کے حالات کا کچھ نہیں پتہ تھا۔ “ذکیہ! اسے روکنے کی ضرورت نہیں… ایسی خود مختار اولاد کی مجھے ضرورت بھی نہیں!” حسن احمد پلٹ کے واپس آئے۔ شہریار نے افسردہ اور مایوس نگاہوں سے اپنے بابا کو دیکھا جو اصولوں کے ذرا خلاف نہیں جاتے تھے، مگر یہاں بات اصول کی نہیں، اس کی زندگی اور عزت کی تھی۔ اگر انہوں نے اس کا خیال کیا تو کیا برا کیا تھا؟ “ایسے تو نہیں بولیے، اس کی اتنی سی غلطی کی ایسی سزا تو نہیں دیں۔” “اتنی سی غلطی! ارے، پورے خاندان اور آفس میں میری ناک کٹوا دی!” وہ آگ بگولہ ہو رہے تھے۔ شیرازی کی بیٹی سے میں نے اس کا رشتہ پکا کیا تھا۔ کیا یہ بھول گیا تھا؟ شہریار سر جھکائے نادم مجرموں کی طرح کھڑا تھا۔ وہ مزید کیا بولتا؟ شیرازی کی بیٹی کو وہ کب پسند کرتا تھا، بس بابا کے فیصلے کے آگے سر جھکا دیا تھا۔ “اسے کہو دفع ہو جائے، میرے سامنے شکل لے کے نہیں آئے۔” شہریار پھر رکا نہیں، تیزی سے لمبے ڈگ بھرتا باہر نکل گیا۔ وہ اپنے درد سے پھٹتے سر کے ساتھ فلیٹ کے اندر آیا تھا، وہ انہیں دیکھ کر اندر جانے لگی۔ “ایک تم نے ڈرامہ لگا رکھا ہے، آخر چاہتی کیا ہو؟” اس کا غصہ ونیزہ پر اترا اور وہ وہیں صوفے میں ہی دھنس گئی۔ شہریار کی آنکھیں سرخ ہو رہی تھیں، وہ بہت الجھا بکھرا ہوا تھا۔ بابا کی ناراضگی اور غصہ، اور اس لڑکی کے نخرے، آخر کیا کیا برداشت کرتا۔ “کب تک روتی رہوگی؟” اس نے اس کا نرم و نازک بازو اپنے شکنجے میں لیا، وہ ہچکیاں بھر کے رو رہی تھی۔ “آپ مجھے ایک بار ہی مار ڈالیں!” وہ چیخی۔ “بکواس بند کرو۔۔ میری پریشانیوں کو نہیں بڑھاؤ، میں بہت پریشان ہوں۔” میری وجہ سے پریشان ہیں، آپ کے والد نے آپ کو نکال دیا، مجھے بہو قبول نہیں کر رہے۔” وہ سب جانتی تھی شہریار اسے رخصت کروا کے اپنے ذاتی فلیٹ پر لائے تھے۔ ونیزہ کو یہی دکھ مارے ڈال رہا تھا؛ اسے اس کے سسر والے بھی قبول نہیں کریں گے، وہ ان کے برابر کی نہیں تھی۔ “نہیں، ایسا نہیں ہے۔” وہ اس کی بھیگی ہوئی صورت دیکھ کر نرم پڑا۔ اس میں ونیزہ کا کیا قصور؟ وہ تو کسی اور کے ساتھ رخصت ہو رہی تھی، اسے کیا خبر تھی اس کا نصیب شہریار احمد کے ساتھ لکھا ہے۔ “آپ مجھے چھوڑ دیں، واپس اپنے والدین کے پاس چلے جائیں۔” وہ رونے لگی۔ “جسٹ شٹ اپ! حلیہ درست کرو اور اندر آؤ فوراً!” وہ اسے حکم دے کر اندر بیڈ روم میں چلا گیا۔