The Inner Land By Yaman Eva
Genre : Most Romantic Story | The Love story of another world
Download Link
یہ کہانی شروع ہوتی ہے ایک جدید گاٶں کے نہایت پرانے کنویں سے۔۔۔
ایک سیاہ گہرا پرانا کنواں۔۔
اس کی پرانی بوسیدہ دیواروں کی اینٹیں بھی اب تقریباً ختم ہو چکی تھیں۔
کنارے وقت کے ساتھ اپنی مضبوطی کھو چکے تھے۔ مگر گہراٸی نے یہ وقت کا
مقابلہ ایسے جیتا تھا کہ وہ پہلے سے زیادہ تاریک اور گہری ہو گٸی تھی۔۔
کبھی اس کنواں میں شاید اتنا پانی ہوتا ہو گا کہ ارد گرد کے کٸی علاقے سیر ہو جاتے ہونگے۔۔
مگر۔۔ ایک روز ایک نوجوان دوشیزہ نے اس کنویں میں چھلانگ لگا کر اپنی جان دے دی تھی۔۔
پھر جانے وہاں پانی رہا تھا یا نہیں مگر لوگ پانی کے لیے جانے
سے گھبرانے لگے، اب بس ہولناکی اور تاریکی بچ گٸی تھی۔۔
لوگوں کا کہنا تھا وہ لڑکی عشق میں ناکام ہو کر وہاں گٸی تھی، کچھ لوگ کہتے تھے
وہ اپنے عاشق سے ملنے گٸی تھی اور اس تاریک خاموش رات میں اس کے بھاٸیوں نے
اسے دھکا دے کر جان چھڑوا لی۔۔ یہ بھی سننے کو ملا تھا وہ گاٶں کی سب سے
حسین لڑکی تھی جس پر ایک دیو عاشق ہو کر اسے کنویں میں لے گیا تھا۔۔
بُننے والوں نے بہت سی کہانیاں بُن لی تھیں اور ان سب باتوں کی ایک
وجہ یہ تھی کہ اس کنویں سے اس لڑکی کی لاش کبھی ملی نہیں تھی۔۔۔
لوگوں نے خوف سے اس کنویں کے پاس آنا چھوڑ دیا تھا۔۔
