Humein Is Ka Yaqeen Hai By Nazia Jamal Novel20809

Family Drama | Emotional Journey | Faith | Contemporary Fiction | Digest Novel | Social Romantic Novel 

“مجھے پرپوز کرنے سے پہلے آپ نے مجھ سے پوچھا تھا نا کہ میں نرسنگ کرسکتی ہوں۔ مجھے اسی وقت ہی سمجھ جانا چاہیے تھا کہ مجھے یہاں ملازمت کرنی ہے سو وہ میں نے کی۔”
وہ جب بھی فرہاد کے لوٹ آنے کی دعا مانگتی تو ساتھ یہ بھی کہتی کہ اسے جب بھی واپس بھیجی صرف میرا بنا کر بھیجی اس کے دل میں میرے علاوہ کسی دوسری ہستی کے خیال کا گزر تک نہ ہو۔ اب جب کہ وہ اگیا تھا تو یہ سوچیں اس کے دل و دماغ پر بری طرح وارد ہوئی کہ وہ ایا تو ہے مگر واپس جانے کے لیے اسے پھر سے احساس جدائی کو تھپکیاں دینی ہوں گی۔
فرہاد اس کی دلی کیفیت جانتا تھا تبھی خاموشی سے چہرہ جھکائے اس کی سنے گیا۔ اس کا غبار نکل جانا ہی بہتر تھا۔
“ہر طرح سے کوشش کی اپ کے گھر کو اپنا بنانے کی لیکن نہ بناسکی۔ میں جانتی ہوں وہ اپ کی اولین محبت ہے اور میں۔۔ ایک سمجھوتہ ایک ضرورت اور بزنس ڈیلنگ۔” قمیض کی آستین سے انسو رگڑتے ہوئے وہ فرہاد کو بالکل سکول گرل لگی تھی۔ فرہاد کے لبوں پر بے اختیارانہ سا تبسم آ کر ٹھہر گیا۔
“تم چلی گئی تو موسٰی کا کیا ہوگا۔” پینٹ کی جیبوں میں ہاتھ ڈالتے ہوئے اس نے ٹھوس لہجے میں پوچھا۔ ایمل نے چونک کر سرخ آنسوؤں سے بھری انکھیں اوپر اٹھائیں۔
“تو اب اپ کو موسی کے لیے گورنس چاہیے۔”لہجے میں کانچ کی کرچیاں چبھی ہوئی تھیں۔ فرہاد کے ماتھے پر شکنوں کا جال ثابت گیا تھا۔
“میرے خیال سے ایمل میں اتنا بینک بیلنس ضرور رکھتا ہوں کہ موسی کے لیے گورنس کی بٹالین کھڑی کرسکوں۔”غصے میں اسے بازوں سے پکڑ کر ہلکا سا جھٹکا دیا تھا۔
“ہاں مگر کوئی میری طرح مفت کی چاکری نہیں کرے گی۔”
“ایمل ہوش میں رہ کر بات کرو۔”اب کے وہ سراپہ آتش فشاں بن گیا تھا۔