Aroos-e-Naashenaas Novel21049 — Novelistan

Sneak

" پلیز میری ہیلپ کرو مجھ سے شادی کر لو۔ " ابھی وہ اس دلہن کو دیکھ ہی رہا تھا کہ اس کے قریب آ کر کہنے پر وہ چونک گیا۔ گن پر اس کی گرفت ڈھیلی پڑی۔ " یہ آپ کیا کہہ رہی ہیں میں ایک ویٹر ہوں میم۔" مقابل نے کہا۔ " مجھے اس سب سے کوئی فرق نہیں پڑتا کہ تم کون ہو۔ مجھ سے شادی کر لو اس کے بدلے تمہیں جو چاہیے میں تمہیں دوں گی۔ پیسہ، گھر، جو تم کہو گے ۔ آج اگر میری شادی نہیں ہوئی تو میں اپنا سب کچھ کھو دوں گی۔ " وہ التجاء کرنے لگی جس پر مقابل گہری نظروں سے اس معصوم سی لڑکی کو دیکھے گیا۔ وہ معصوم جانتی ہی نہیں تھی کہ جسے وہ معمولی سا ویٹر سمجھ کر شادی کے لیے پیسے آفر کر رہی ہے وہ ملک کا انتہائی ظالم اور خطرناک ترین مافیا باس تھا۔ جسے پورے ملک کی آرمی اور مختلف ایجنسیاں آج تک ڈھونڈنے میں ناکام ٹھہری تھیں۔۔۔
"یہ تم کیا کہہ رہے ہو تم میرے ساتھ ایسا کیسے کر سکتے ہو آج ہماری شادی ہے تم نے کہا تھا تم ہمیشہ میرا ساتھ دو گے پھر مجھے ایسے وقت میں اکیلا کیسے چھوڑ سکتے ہو تم تو محبت کرتے ہو نا مجھ سے"   ایہام نے روہانسے انداز میں کہا جس پر مقابل استہزاءیہ انداز میں قہقہہ لگا اٹھا۔
"محبت اور وہ بھی تم سے۔۔۔۔۔۔میں تمہارے ساتھ صرف تمہارے پیسے کی وجہ سے تھا تم کبھی میری محبت نہیں تھی تم سے شادی کرنے کا تو سوال ہی پیدا نہیں ہوتا "
عامر فیروز کے الفاظ اس حسین ترین دلہن کا دل ریزہ ریزہ کر گئے تھے۔
" ٹھیک ہے میں نے مان لیا تم محبت نہیں کرتے مجھ سے میرے پیسوں کے لیے میرے ساتھ تھے تو انہی پیسوں کی خاطر مجھ سے شادی کر لو پلیز مجھے چھوڑ کر مت جاؤ تم جانتے ہو یہ شادی میرے لیے کتنی ضروری ہے میں برباد ہو جاؤ گی تم بے شک شوہر ہونے کا کوئی حق ادا مت کرنا میں کبھی تمہیں پابند نہیں کروں گی۔۔۔۔۔میں تمہیں وہ سب دوں گی جو تم چاہتے ہو تمہیں جتنا پیسہ چاہیے میں تمہیں دوں گی لیکن پلیز مجھ سے شادی کر لو "
دلہن بنی ایہام ملک اپنے آنسوؤں پر قابو پاتی بے بسی سے التجاء کرنے لگی۔
جس پر مقابل کھڑا نوجوان مغرور انداز میں ہنسا تھا۔
" سوری بے بی لیکن اب مجھے تمہاری مزید ضرورت نہیں رہی میرے پاس تم سے کہیں زیادہ خوبصورت  اور امیر لڑکی موجود ہے اس لیے تم سے شادی کا تو سوال ہی پیدا نہیں ہوتا "
اس شخص کی  گھٹیا بات پر وہ بے یقینی  سے اسے لگی۔
تبھی انتہائی بولڈ میکسی زیب تن کیے ایہام کی کزن بسمہ ملک پورے حق کے ساتھ اس کے دولہے کے پہلو میں آ کر کھڑی ہوتی عامر کا بازو تھام گئی۔
ایہام بے یقینی سے اپنی چچازاد کزن کو اپنے دولہے کے پہلو میں کھڑا دیکھ رہی تھی۔
" ہیلو کزن آج تمہاری شادی تھی تو سوچا آج ہی تمہیں یہ سرپرائز دینا چاہیے تو کیسا لگا تمہیں میرا سرپرائز۔۔۔۔۔ تم نے سوچ بھی کیسے لیا عامر فیروز جیسا ہینڈسم لڑکا تم جیسی بورنگ لڑکی میں انٹرسٹڈ ہو سکتا ہے، وہ بس تمہیں استعمال کر رہا تھا اور  تم اتنی بے وقوف ہو کہ اتنے سالوں تک اس کی جھوٹی محبت پر یقین کرتی رہی، میں نے اپنی زندگی میں تم جیسی بیوقوف لڑکی آج تک نہیں دیکھی"  وہ استہزاءیہ انداز میں اس کا مذاق اڑاتے ہوئے ہنسنے لگی۔
"تم دونوں۔۔۔۔۔۔ کب سے "
وہ ٹوٹے پھوٹے انداز میں بمشکل بول پائی وہ جاننا چاہتی تھی کہ جس شخص کو ٹوٹ کر چاہا وہ آخر کب سے اسے دھوکا دے رہا تھا ۔
"تمہارے گھر میں جب میں پہلی بار بسمہ سے ملا تب ہی وہ مجھے پسند آ گئی تمہارے ساتھ تو محبت کا ناٹک بس  تمہارے ڈیڈ کے احسانوں اور تمہارے پیسوں کی خاطر کرنا پڑا ورنہ میری محبت صرف و صرف بسمہ ہے"
عامر انتہائی ڈھٹائی اور بے شرمی سے کہ رہا تھا اور ایہام کو لگ رہا تھا کسی نے بھرے مجمعے میں اس کی محبت کا جنازہ نکالا ہو۔
وہ اب کی بار خاموشی سے اس گھٹیا شخص کو دیکھنے لگی۔
ان کے ارد گرد کھڑے کچھ لوگ افسوس سے اسے دیکھ رہے تھے اور کچھ بسمہ کے ساتھ مل کر اس کا مذاق اڑا رہے تھے۔
اس کی زندگی چند لمحوں میں پوری دنیا کے سامنے صرف ایک تماشہ بن کر رہ گئی تھی۔ کوئی ہمدردی بھری نظروں سے اور کوئی تمسخر بھری نظروں سے اسے دیکھتے بینکوئٹ  سے نکلتا چلا گیا۔ دیکھتے  ہی دیکھتے بینکوئٹ خالی ہو چکا تھا۔
"ویٹ کرو ڈیئر کزن کچھ ہی وقت کی بات ہے اس کے بعد تم سڑک پر آ جاؤ گی میں دیکھنا چاہتی ہوں کہ جب تمہارا غرور چور چور ہوگا اور جب تم بھکارن بن کر سڑک پر پڑی ہوگی تب کیسی لگوں گی "
بسمہ زہر خند انداز میں کہتے ہوئے عامر کے ساتھ وہاں سے نکلتی چلی گئی۔
وہ دھندلی ہوتی آنکھوں سے عامر کو بسمہ  کے ساتھ جاتا ہوا دیکھ رہی تھی۔
لیکن لبوں سے ایک لفظ نہ کہا نہ ہی اسے روکنے کی کوشش کی وہ شخص اس کی زندگی کا سیاہ ترین باب تھا ۔
اس کی محبت تو اسی لمحے مر گئی تھی جب اس کے دھوکے کا علم ہوا اب اس کا دل بالکل خالی تھا ۔
اس کی آنکھوں سے آنسو ٹوٹ کر بکھرے تھے۔
وہ ایہام ملک تھی۔ سمیر ملک کی اکلوتی بیٹی اور ان کی کروڑوں کی جائیداد کی اکلوتی وارث۔۔۔۔۔۔۔ اس کے والد کا کچھ سال پہلے انتقال ہو گیا تھا۔لیکن ان کی وصیت کے مطابق اسے اپنی بیسویں سالگرہ پر ہر صورت شادی کرنی تھی۔
ورنہ اس کی تمام جائیداد۔۔۔۔۔۔ بزنس و بینک بیلنس ٹرسٹ میں چلا جاتا۔ اس کے ڈیڈ کو ہمیشہ سے لگتا تھا کہ وہ اپنی زندگی کو بالکل سیریس نہیں لیتی۔ اس لیے انہوں نے یہ وصیت لکھوائی تھی۔
عامر فیروز سمیر ملک کے دوست کا بیٹا تھا جس کے والد کے جانے کے بعد سمیر ملک نے ہی اسے سپورٹ کیا تھا اور یہی نہیں اپنی اکلوتی لاڈلی بیٹی کی منگنی بھی اس سے سے کروائی۔ لیکن افسوس جو لڑکا انہوں نے اپنی بیٹی کے لیے منتخب کیا تھا وہ آج اسے بھری محفل میں اکیلا چھوڑ گیا تھا۔
ایہام کے پاس تو کوئی دوسرا اپشن ہی نہیں تھا کیونکہ وہ ہمیشہ سے عامر کے ساتھ وفادار رہی تھی۔ کتنے ہی لڑکے اسے اپروج کرنے کی کوشش کرتے لیکن وہ کبھی کسی کو منہ نہیں لگاتی تھی۔
اس کے نزدیک وہ صرف اور صرف عامر فیروز کی امانت تھی اور اس شخص نے اس کی محبتوں کا یہ صلہ دیا تھا اس نے اسے کہیں کا نہیں چھوڑا تھا اس کے پاس صرف اور صرف ایک گھنٹہ بچا تھا ایک گھنٹے بعد اسے اپنا میرج سرٹیفکیٹ بورڈ آف ڈائریکٹرز کے سامنے پیش کرنا تھا۔
ورنہ وہ اپنا سب کچھ کھو بیٹھتی لیکن اس ایک گھنٹے میں وہ لڑکا کہاں سے لاتی کس سے شادی کرتی۔  وہ وہیں زمین پر بیٹھتی اپنا چہرہ دونوں ہاتھوں میں چھپائے پھوٹ پھوٹ کر رونے لگی۔
وہ ابھی رو ہی رہی تھی جب اس خالی بینکوئٹ کا داخلی دروازہ ایک زوردار آواز کے ساتھ کھلا۔ ہال کے بیچوں بیچ بیٹھی ایہام نے جھٹکے سے سر اٹھایا ایک ویٹر انتہائی زخمی حالت میں لڑکھڑاتا ہوا اندر داخل ہوا۔
دونوں کی نظریں ایک لمحے کے لیے ملی تھی ایہام تیزی سے اپنی جگہ سے اٹھ کر اس کی جانب بڑھی جبکہ مقابل کا ہاتھ بے اختیار اپنی پشت پر گیا تھا۔
شرٹ  کے اندر چھپی گن پر اس نوجوان کی گرفت مضبوط ہوئی تھی۔
" پلیز میری ہیلپ کرو مجھ سے شادی کر لو" ابھی وہ اس دلہن کو دیکھ ہی رہا تھا کہ اس کے قریب آ کر کہنے پر وہ چونک گیا۔
گن پر اس کی گرفت ڈھیلی پڑی تھی۔
" یہ آپ کیا کہہ رہی ہیں میں ایک ویٹر ہوں میم"  مقابل نے سامنے کھڑی لڑکی کو یاد دلانا چاہا۔
"مجھے اس سب سے کوئی فرق نہیں پڑتا کہ تم کون ہو تم بس پلیز مجھ سے شادی کر لو اس کے بدلے تمہیں جو چاہیے میں تمہیں دوں گی پیسہ۔۔۔۔۔ گھر جو تم کہو گے تمہیں ملے گا، تمہیں یہ ویٹر کی جاب نہیں کرنی پڑے گی آج اگر میری شادی نہیں ہوئی تو میں اپنا سب کچھ کھو دوں گی پلیز میری مدد کرو "
وہ حسین دلہن روتے ہوئے التجاء کرنے لگی جس پر مقابل پرسوچ گہری نظروں سے اس معصوم سی لڑکی کا آنسوؤں سے تر چہرہ دیکھے گیا۔
وہ لڑکی جانتی ہی نہ تھی کہ جسے وہ معمولی سا ویٹر سمجھ کر شادی کے لیے پیسے آفر کر رہی ہے وہ ملک کا انتہائی ظالم اور خطرناک ترین مافیا باس تھا ۔
جسے پورے ملک کی آرمی اور مختلف ایجنسیاں آج تک ڈھونڈنے میں ناکام ٹھہری تھیں۔۔۔

Download Novel PDF

Read Novel Online

Description — Urdu

Summary — Urdu

Related Keywords