Aqd e Muhabbat Novel21040 — PC

Sneak

"جب دس سال پہلے مجھے چھوڑ ہی گئے تھے تو اب مجھے طلاق بھی دے دیں مسٹر زاویار شاہ!" حورین کی سخت آواز پر زاویار کا ہاتھ کھانا کھاتے رکا۔ ڈائٹنگ پر موجود تمام افراد نے گھوم کر حورین کو حیرت سے دیکھا۔ آج سے دس سال پہلے زبردستی دادا جان نے زاویار کا نکاح نو سالہ حورین سے کروا دیا تھا۔ جس کی وجہ سے وہ گھر چھوڑ کر جا چکا تھا۔ آیا تو اسے طلاق دینے تھا مگر اپنے سامنے اتنی خوبصورت دوشیزا کو دیکھ کر اب اس کا ارادہ بدل گیا تھا۔ "طلاق چاہیے مجھے آپ سے مسٹر! جب دس سال مجھ سے دور رہیں تو اب بھی آنا نہیں بنتا تھا آپ کا۔۔" اس کی بات سنتے زاویار شاہ کچھ سوچتے کھڑا ہوا۔ " دادا جان! آپ رخصتی کی تیاری کریں یہ رخصتی مجھے اسی ہفتے کے اندر اندر چاہیے، کسی کا دماغ ٹھکانے لگانا ہے اور بڑی شدت سے لگانا ہے۔" اس کی سرد آواز پر حورین کی ریڑھ کی ہڈی میں سنسناہٹ۔۔۔۔

" جب دس سال پہلے مجھے چھوڑ ہی گئے تھے تو اب مجھے طلاق بھی دے دیں مسٹر زاویار شاہ! "حورین کی سخت آواز پر زاویار شاہ کھانا کھاتے کھاتے رک گیا۔ اس کے ہاتھ میں پکڑا چمچ وہیں رک گیا۔ ڈائٹنگ ٹیبل پر بیٹھے تمام افراد نے ایک ساتھ گردن موڑ کر حورین کو دیکھا۔ کسی کے چہرے پر حیرت تھی، کسی پر خوف اور کسی کی آنکھوں میں ایسی مسکراہٹ تھی جیسے وہ اس تماشے کا مدت سے انتظار کر رہا ہو۔۔ مگر زاویار شاہ۔۔۔ وہ صرف حورین کو دیکھ رہا تھا۔ دس سال بعد پہلی مرتبہ۔۔۔ وہی چہرہ جسے اس نے آخری مرتبہ نو سال کی ایک معصوم بچی کے روپ میں دیکھا تھا۔۔۔

اور آج۔۔۔۔ آج اس کے سامنے ایک باوقار، خوبصورت اور خوددار لڑکی کھڑی تھی۔ لمبے سیاہ بال، بڑی بڑی آنکھیں، جن میں اس وقت غصہ بھرا ہو اتھا، اور ماتھے پر بکھری چند لٹیں اس کے چہرےکی سنجیدگی کو مزید نمایاں کر رہی تھیں۔ زاویار نے آہستہ سے چمچ پلیٹ میں رکھا۔ "کیا کہا تم نے؟۔۔۔" اس کی آواز بہت پر سکون تھی۔ حورین نے ایک قدم آگے بڑھایا۔ " میں نے کہا، طلاق چاہیے مجھے آپ سے۔" کمرے میں خاموشی چھا گئی۔ دس سال پہلے زبردستی کیے گئے اس نکاح کا رشتہ آج پہلی مرتبہ کسی نے اس طرح سب کے سامنے چھیڑ ا تھا۔۔۔۔

 حورین کے لیے یہ صرف ایک رشتہ نہیں تھا۔ یہ دس سال پرانا بوجھ تھا۔ ایک ایسا بوجھ جو اس نے بچپن سے اپنے کندھوں پر اٹھایا تھا۔ اور اس بوجھ کے ساتھ بے شمار تلخ یادیں بھی تھیں۔ دس سال پہلے۔۔۔۔۔" دادا جان! یہ نہیں ہو سکتا " نو سالہ حورین خوف سے روتی ہوئی اپنے دادا کے سامنے کھڑی تھی۔ اس کی ننھی انگلیاں اس کے دوپٹے کو مضبوطی سے پکڑے ہوئے تھیں۔ سامنے بیٹھے بزرگ کی آنکھوں میں آنسو تھے۔ "بیٹا، میں تمہارا برا نہیں چاہتا۔ " "تو پھر مجھ سے یہ سب کیوں کروار ہے رہیں؟" حورین کی آواز روتے روتے ٹوٹ گئی۔ کمرے کے دوسرے کونے میں ایک دس سالہ لڑکا غصے سے کھڑا تھا۔۔۔۔

زاویار شاہ۔ وہ بھی اس نکاح کے خلاف تھا۔ "کیا یہ سب مزاق ہو رہا ہے ہماری زندگیوں کے ساتھ ؟ میں یہ شادی نہیں کروں گا!" اس نے غصے سے کہا۔ اس کے والد نے اسے ڈانٹنے کی کوشش کی۔ "زاویار ! " " نہیں ابو! میں نہیں کروں گا۔ مجھے کسی نے پوچھا تک نہیں! ہم دونوں ابھی ان سب چیزوں کے لئے بہت چھوٹے ہیں اور اسے دیکھیں کتنی نا سمجھ ہے۔۔۔" زاویار نے غصے سے حورین کی طرف دیکھا۔ دادا جان نے تھکی ہوئی آواز میں کہا، "تم ابھی بچے ہو، تمہیں سمجھ نہیں۔ یہ میں تم دونوں کی بھلائی کے لئے ہی کر رہا ہوں خاص طور پر حورین۔   " دادا کی آواز میں غم چھپا تھا جو زاویا کو ابھی سنائی نہیں دے رہا تھا۔۔۔

" مجھے اتنا ضرور سمجھ آرہا ہے کہ میری مرضی کے بغیر میری زندگی کا فیصلہ کیا جارہا ہے! " زاویار کی آواز بلند ہوتی گئی۔ حورین ایک طرف کھڑی روتی رہی۔ اسے شادی کا مطلب تک معلوم نہیں تھا۔ وہ صرف اتنا جانتی تھی کہ آج اسے خوب تیار کیا گیا ہے، بہت سے لوگ گھر میں جمع ہیں اور دادا جان بار بار اسے تسلی دے رہے ہیں۔ مگر وہ کیوں رورہی تھی؟ اسے خود بھی معلوم نہیں تھا۔ ننھی کلی جیسے رو رو کر مر جھائے جارہی تھی اسکی معصوم آنکھوں کے موٹے موٹے موتیوں جیسے آنسوں وہاں کوئی دیکھنے والے نہیں تھا۔ حورین کی ماں اس کی پیدائش کے وقت ہی دنیا سے رخصت ہوگئی تھی۔ 

ماں کی ممتا سے محروم ہو جانے کے بعد ننھی حورین
کو اسکے ابو جی نے اسے دونوں کا پیار دیا ماں کی کمی کو پورا کرنے کی کو شش کرتے کرتے کب وہ سایہ بھی حورین سے قدرت نے چھین لیا اس معصوم کو خبر ہی نا ہوئی۔ وہ بھی اس وقت دنیا چھوڑ گیا جب حورین صرف آٹھ سال کی تھی۔ ایک سڑک حادثے نے اس سے اس کا آخری سہارا بھی چھین لیا تھا۔ تب سے اس دنیا میں اگر کوئی اس کا تھا تو وہ صرف اس کا دادا تھا۔ دادا جان نے اسے اپنی جان سے بڑھ کر پالا تھا۔ اس کی ہر خواہش پوری کی۔ اسے کبھی ماں باپ کی کمی محسوس نہیں ہونے دی۔ لیکن وقت کسی کے لیے نہیں رکھتا۔ دادا جان کی عمر بڑھ رہی تھی۔۔۔۔

 اور شاید یہی خوف ان کے دل میں گھر کر گیا تھا کہ اگر وہ بھی چلے گئے تو حورین کا کیا ہوگا؟ اسی خوف نے انہیں ایک ایسا فیصلہ کرنے پر مجبور کر دیا جس نے کئی زندگیاں بدل دیں۔ دادا جان کے بڑے بیٹے شجاع شاہ برسوں سے بیرون ملک رہ رہے تھے۔ وہ اپنی بیوی نائلہ اور اکلوتے بیٹے زاویار کے ساتھ دوسرے شہر میں مقیم تھے۔ دادا جان نے انہیں فورفورا واپس بلایا۔ "شجاع! میں چاہتا ہوں تم سب واپس آجاؤ۔ '' ابو ، اچانک؟ " " ہاں۔" "خیریت ہے ؟" دادا جان نے کچھ لمحے خاموش رہ کر کہا، "میری
طبیعت اب پہلے جیسی نہیں رہی۔ " یہ سن کر شجاع پریشان ہو گیا۔۔۔۔

" ٹھیک ہے ابو ہم آتے ہیں۔" شجاع اپنے والد کا بہت فرمانبردار بیٹا تھا۔ چند ہی دن بعد وہ اپنی بیوی اور بیٹے کے ساتھ آبائی حویلی پہنچ گیا۔ اور پھر وہ فیصلہ سامنے آیا جو کسی نے سوچا بھی نہیں تھا۔ حورین اور زاویار کا نکاح۔ زاویار نے انکار کیا۔ نائلہ نے بھی مخالفت کی کافی ناگواری ظاہر کی۔ لیکن دادا جان اپنی ضد پر قائم رہے۔ " میں حورین کو اکیلا نہیں چھوڑ سکتا۔ " " ابو ، وہ ابھی بچی ہے اور زاویار بھی! " شجاع نے سمجھانے کی کوشش کی۔ مگر دادا جان کے دل میں ایک ہی خوف تھا۔ "میں نے اپنی زندگی میں بہت کچھ دیکھا ہے۔ میں نہیں چاہتا کہ میرے بعد یہ بچی کسی کے رحم و کرم پر ہو۔ " پھر دادا جان کی ضد کے آگے سب ہار گئے اور دونوں کا نکاح ہو گیا۔۔۔۔

حورین کی آنکھوں سے آنسو نہیں رک رہے تھے۔ اور زاویار اسکے چہرے پر غصہ تھا۔ نکاح کے فوراً بعد وہ اپنے والد کے پاس گیا۔ " میں یہاں ایک دن بھی نہیں رکوں گا۔ " شجاع نے اسے روکنے کی کوشش کی۔ مگر زاویار نے صاف جواب دیا۔ " مجھے یہ شادی قبول نہیں۔ میں کل ہی واپس جا رہا ہوں۔" دادا جان نے اسے جانے دیا۔ شاید انہیں امید تھی کہ وقت سب کچھ بدل دے گا۔ مگر وقت نے صرف حورین کو بڑا کیا۔ زاویار کو اس کے دل سے نکال دیا۔ اور حورین کے دل میں اس کے لیے نفرت بھر دی۔ کیوں کہ وجہ صرف زاویار کا جانا نہیں تھا بلکہ اسکی تائی کے وہ ظلم تھے جو انہوں نے زاویار کے جانے کے بعد اس معصوم پر کئے جن کا پتہ دادا کو بھی نا چلا۔ دس سال بعد۔۔۔۔۔

 "طلاق چاہیے مجھے آپ سے، مسٹر!" حورین نے ایک ایک لفظ پر زور دیتے ہوئے کہا۔ زاویار نے کرسی سے اٹھتے ہوئے اسے غور سے دیکھا۔ " دس سال مجھ سے دور رہیں تو اب بھی آنا نہیں بنا تھا آپ کا۔'' " تمہیں کیا معلوم میں کیوں گیا تھا؟" حورین تلخی سے مسکرائی۔ " مجھے جاننے کی ضرورت بھی نہیں۔ آپ گئے تھے ، بس کافی ہے۔ '' اور اگر میں طلاق نہ دوں؟ "تو میں عدالت جاؤں گی۔''اچھا؟'' " جی۔ '' اور اگر میں عدالت میں بھی نہ آیا؟ '' " پھر میں آپ کے خلاف قانونی کارروائی کروں گی۔ " حویلی میں بیٹھی نائلہ کے چہرے پر عجیب سی مسکراہٹ پھیل گئی۔ وہی نائلہ جو دس سال سے حورین کو اپنی بہو نہیں بلکہ بوجھ سمجھتی آئی تھی۔۔۔

حورین نے اسے دیکھا تو فوراً نگاہیں ہٹالیں۔ زاویار نے یہ سب نوٹ کیا۔ پھر وہ اچانک اپنے دادا کی طرف مڑا۔ " دادا جان ! '' ہاں؟'' آپ رخصتی کی تیاری کریں۔ " حورین کا دل دھک سے رہ گیا۔" کیا؟" زاویار نے اسے دیکھا۔ اس کی آنکھوں میں ایک عجیب سی سختی تھی۔ " یہ رخصتی مجھے اسی ہفتے کے اندر اندر چاہیے۔'' مگر "حورین کچھ کہتی اس سے پہلے زاویار نے اپنی بات مکمل کی۔ "کسی کا دماغ ٹھکانے لگانا ہے۔۔۔۔ " وہ ایک لمحے کور کا۔ پھر اس کی نگاہ سیدھی حورین پر گئی۔ " اور بڑی شدت سے لگانا ہے۔ "حورین کی ریڑھ کی ہڈی میں سنسناہٹ دوڑ گئی۔۔۔۔

 اس رات حورین دیر تک سو نہ سکی۔ وہ اپنے کمرے کی کھڑکی کے پاس کھڑی باہر دیکھتی رہی۔ دس سال۔ دس سال پہلے ایک اجنبی لڑکے نے اسے چھوڑ دیا تھا۔ اور آج وہی اجنبی مرد بن کر اس کی زندگی میں واپس آگیا تھا۔ مگر مسئلہ صرف زاویار نہیں تھا۔ اصل مسئلہ نائلہ تھی۔ وہ عورت جس نے حورین کا ان دس سالوں میں جینا مشکل کر دیا تھا۔۔۔" یتیم بچی ہو، اس گھر میں احسان سمجھ کر ہو" یہ جملہ حورین نے نہ جانے کتنی بار سنا تھا۔ کبھی اس کے کپڑے چھپادیے جاتے۔ کبھی کھانا سب کے بعد ملتا۔ کبھی اسے گھر کے کام میں لگادیا جاتا۔۔۔

اور جب وہ پڑھنے بیٹھتی تو نائلہ کہتی، " تمہیں پڑھ لکھ کر کیا کرنا ہے؟ آخر کار کسی گھر کی بہو ہی بننا ہے۔ " حورین چپ رہتی۔ دادا جان جب سامنے ہوتے تو نائلہ اپنا لہجہ بدل لیتی۔ " میں تو حورین کی بھلائی چاہتی ہوں۔ " اور داداجان، جو اپنی پوتی کی آنکھوں میں چھپی تکلیف نہیں پڑھ پاتے تھے، اسے تسلی دے دیتے۔ "بیٹا، نائلہ کا دل برا نہیں۔ "حورین ہمیشہ سوچتی۔۔۔۔۔اگر دل بر انہیں تو تکلیف اتنی کیوں ہے؟ اگلے دن نائلہ نے حورین کو اپنے کمرے میں بلایا۔ "تمہیں رخصتی کا بہت شوق ہے؟ " حورین نے خاموشی سے اسے دیکھا۔ " میں نے ایسی کوئی بات نہیں کی۔" "لیکن تم نے طلاق مانگی تھی نا؟" حورین نے حیرت سے اسے دیکھا۔

Download Novel PDF

Read Novel Online

Description — Urdu

Summary — Urdu

Related Keywords