Peymaan e Koodaki Novel21048 — Novelistan

Sneak

"نہیں بابا پلیز۔۔۔میری شادی اپنے دیہاتی بھتیجے سے مت کریں۔میں بچپن کی منگنی کو نہیں مانتی۔ " وہ کوفت سے بولی تھی ۔وہ پڑھنے کے لیے امریکہ جانا چاہتی تھی جب کہ اس کے ماں باپ اسے گاؤں لے جا رہے تھے۔ جب اس کے ماں باپ نہ مانے تو پلان کرتے وہ ایک ہفتہ پہلے اپنی بہن کے ساتھ گاؤں گئی اور گاؤں پہنچنے سے پہلے نقلی گولڈن بالوں کی وگ لگاتے نہایت چمکیلا اور نا مناسب ٹائٹ ٹراؤزر اور شرٹ پہنا تاکہ شہروز خاکوانی اسے دیکھتے ہی شادی کے لیے انکار کر دے۔ "مجھے لڑکی پسند ہے ماما بابا۔میں اسی سے شادی کروں گا۔ " شہروز خاکوانی کی بات سنتے وہ پتھر ہوئی تھی جب کہ شہروز اسے سرد نظروں سے دیکھ رہا تھا۔ "یہ مجھے ایسی کھا جانے والی نظروں سے کیوں گھور رہا ہے؟ " اس نے اپنی بہن سے پوچھا پر کمرہ خالی ہوتے شہروز نے اس کا راستہ روک لیا اور۔۔۔
میں کسی صورت اس لڑکی سے شادی نہیں کروں گا بابا! آپ لوگوں کی رشتہ داری نبھانے کے چکر میں میں اپنی زندگی برباد نہیں کروں گا، وہ انتہائی سختی سے کہہ رہا تھا۔ اس کے ماں باپ منہ پر ہاتھ رکھے اسے خاموشی سے دیکھ رہے تھے۔ انہیں مستقل خاموش دیکھ اس کے ماتھے پر بل پڑے، آپ لوگ مجھے گھورنا بند کریں، آپ لوگوں کے گھورنے سے میرا فیصلہ نہیں بدلے گا۔ اس نے جھنجھلاتے ہوئے کہا۔ اس کا باپ مسکرایا، پر مجھے ایسا کیوں لگ رہا ہے کہ تمہارا فیصلہ بدلنے لگا ہے؟ اپنے باپ کی چالاکی پر اس نے اپنے باپ کو گھور کر دیکھا۔ وہ اسے ہر بات کے لیے ایسے ہی منایا کرتے تھے۔ نہیں، بالکل بھی نہیں! مانا میں نے اور نہ میں مانوں گا بھی نہیں۔ آپ لوگ مجھے اس طرح بلیک میل نہیں کر سکتے۔ شادی میرا شرعی اور قانونی حق ہے، جو میں اپنی پسند سے کروں گا۔ آپ لوگ مجھے اس کے لیے مجبور نہیں کر سکتے، اس نے قطعیت سے کہا۔ ہاں، مجبور نہیں کر رہے، پر وہ تمہاری بچپن کی منگیتر ہے۔ تم اس سے ایسے کیسے رشتہ توڑ سکتے ہو؟ یہ ہمارے بڑوں میں رشتہ طے ہوا تھا اور تم جانتے ہو ہمارے خاندان میں منگنی کو بھی نکاح کی حیثیت سے دیکھا جاتا ہے، زبان کی پاسداری کی جاتی ہے۔ اگر کسی انسان کا قول و فعل ہی ٹھیک نہ ہو، تو پھر وہ کیسے پہچانا جائے گا؟ اپنے باپ کی بات پر اس نے کمر پر ہاتھ رکھا۔ بچپن میں بنا پوچھے بچوں سے رشتہ پکا کر دینا کہاں کا انصاف ہے؟ میں نے کہا تھا میرا رشتہ پکا کریں؟ زندگی میری ہے اور فیصلے بڑے کر کے چلے گئے، وہ غصے سے بولا۔ تمیز سے بات کرو، اس کے باپ نے سنجیدگی سے ٹوکا۔ ہاں، میں تمیز سے ہی بات کر رہا ہوں اور میں تمیز سے ہی آپ کو یہ بتا رہا ہوں کہ میں اس منگنی کو نہیں مانتا، جو میرے ہوش و حواس میں کی ہی نہیں گئی، اس نے غصے سے کہا۔ اتنے عرصے میں اس کی ماں پہلی بار بولی، تم کسی اور کو پسند کرتے ہو کیا؟ اپنی ماں کے کہنے پر اس نے نفی میں سر ہلایا، میں کسی کو پسند نہیں کرتا، پر میں کسی ایسے شخص سے بھی شادی نہیں کروں گا جو مجھے ناپسند ہو، اس نے جتایا۔ پر تم تو اس سے ملے ہی نہیں، پھر تم اسے ناپسند کیسے کر سکتے ہو؟ اس کی ماں کی بات پر وہ گہری سانس لیتے ہوئے ان کے سامنے بیٹھا۔ میں ملا نہیں ہوں اب میں ملنا بھی نہیں چاہتا۔ یہ اچھی زبردستی ہے؟ نہیں کرنی اس سے شادی تو نہیں کرنی۔ میں خاندان میں شادی ہی نہیں کرنا چاہتا، وہ میرے ٹائپ کی نہیں ہے، اس نے آنکھیں گھماتے ہوئے کہا۔ اس کا باپ سیدھا ہوا، جو تمہاری ٹائپ کیا ہے؟ اس نے اپنے باپ کو گہری نظروں سے دیکھا، میری ٹائپ جاننا چاہتے ہیں؟ ٹھیک ہے! میں کسی گھریلو، سلجھی ہوئی، سلیقہ مند، کم گو، پیاری لڑکی سے شادی کرنا چاہتا ہوں، حیادار! لیکن وہ شہر میں رہتی ہے، شہر کا ماحول جانتے ہیں آپ کس قدر خراب ہو چکا ہے؟ میں کسی ماڈرن لڑکی کو اپنی بیوی بنا کر اپنی نسل خراب نہیں کروں گا۔ اس کے کہنے پر اس کے ماں باپ نے مسکرا کر ایک دوسرے کو دیکھا۔ شکر ہے تمہاری پسند اچھی ہے، ہم سمجھے پتہ نہیں کیا دماغ میں بٹھائے بیٹھے ہو۔ تو تمہاری اطلاع کے لیے عرض کر دیں، وہ جو آ رہی ہے وہ باحیا اور پردے دار ہے۔ گاؤں میں بھی لڑکیاں ایسی شرافت نہیں دکھاتی ہوں گی جیسی شرافت سے وہ رہتی ہے۔ اس کے باپ نے اسے بہت نیک تربیت سے پالا ہے۔ اپنے باپ کے کہنے پر اس کی آنکھیں پھیلیں، دیکھا! اسی لیے اگلوانے کے لیے میں نے آپ کو اپنی یہ پسند بتائی تھی۔ یہی میں آپ کو کہنا چاہ رہا تھا، میں اس ٹائپ کی لڑکی نہیں چاہتا۔ میری ذاتی پسند یہ ہے کہ میں اپنے ساتھ قدم سے قدم ملا کر چلنے والی لڑکی کو پسند کروں، مجھے ماڈرن لڑکی سے شادی کرنی ہے، اس لیے آپ منع کر دیں کہ وہ لوگ گاؤں نہ آئیں۔ کہتے وہ کھڑا ہوا۔ اس کا باپ سنجیدگی سے کھڑا ہوا، آگے بڑھا اور اس کے شانوں کو تھاما، وہ لوگ گاؤں آ رہے ہیں، ایک بار تو اس لڑکی سے مل لو، اگر تمہیں پسند آ گئی تو ٹھیک ورنہ میرا وعدہ ہے کہ میں تم پر زبردستی نہیں کروں گا۔ جیسا کہو گے ویسا ہوگا، لیکن تم جب تک اس کا انتظار کرو گے اور صرف دیکھو گے، سوچ سمجھ کر پھر اپنا فیصلہ سناؤ گے۔ اپنے باپ کے کہنے پر اس نے گہری سانس لی، ٹھیک ہے! اور اپنے کمرے کی طرف بڑھ گیا۔ ہونٹ مسکرانے لگے، جیسے دل سے کوئی بوجھ اتر گیا ہو۔ فیصلہ تو وہ پہلے ہی کر چکا تھا کہ وہ اپنے چچا کی بیٹی سے کسی صورت شادی نہیں کرے گا۔ وہ شہروز خاکوانی تھا، اپنے ماں باپ کا اکلوتا بیٹا۔ ان کے ماں باپ جاگیردار خاندان سے تھے، رشتہ داروں میں صرف ایک چچا تھے جو سگی رشتہ دار تھے اور چچا کی شادی اس کی چھوٹی خالہ سے ہوئی تھی یعنی وہ دونوں طرف سے پھنسا تھا۔ اگر ماں باپ الگ الگ ہوتے تو ان کو اس بات پر اختلاف ہوتا کہ ہمارے خاندان میں شادی کرو، لیکن اب وہ دونوں ہی اس کی کزن نور الہدیٰ کو اس کی بیوی بنانا چاہتے تھے۔ اس کی ماں اپنی بہن کی بیٹی کو لانا چاہتی تھی اور باپ اپنے بھائی کی بیٹی کو، اور اسی سلسلے میں انہوں نے انہیں گاؤں بلایا تھا۔
نہیں بابا، میری بات کا یقین کریں، میں کسی صورت اس سے شادی نہیں کروں گی جس سے آپ کہہ رہے ہیں۔ بھلا ایک گاؤں کے جاہل، گوار سے میں کیوں شادی کروں؟ وہ اپنے باپ کے سامنے ہاتھ جوڑے بیٹھی تھی، اس کی ماں بیزارگی سے اسے دیکھ رہی تھی۔ وہ نور الہدیٰ ان کی لاڈلی چھوٹی بیٹی تھی۔ نور! بکواس مت کرو، اپنے کمرے میں جاؤ۔ اسی لیے تمہیں تعلیم دلوائی ہے کہ تم دوسروں کو جاہل، گوار کہو؟ تم سے کروڑ درجے بہتر تربیت والا ہے میرا بچہ! اتنا باادب ہے کہ بس... اس کی ماں نے اسے ڈانٹا۔ نور الہدیٰ انہیں گھورنے لگی، مجھے اس کے ادب کا کچھ بھی نہیں کرنا! کوئی ادب والا ہو تو اس کا مطلب یہ نہیں ہوتا کہ اس سے شادی کر لیں۔ انسان اپنے کیولری (مساوی) انسان سے شادی کرتا ہے۔ آپ مجھے ڈاکٹر کی ڈگری دلوا رہے ہیں اور آپ میری اس جاہل، انپڑھ سے شادی کروا رہے ہیں؟ اگر یہی سب کچھ کرنا تھا تو میری تعلیم کنٹینیو کیوں کروائی؟ وہ جھنجھلائی۔ تو ٹھیک ہے، چھوڑ دو تعلیم! اس کی ماں نے کندھے اچکاتے ہوئے کہا۔ رونے کو ہوئی نور... مرزا کے باپ نے اس کی ماں کو خاموش رہنے کا اشارہ کیا۔ میں بات کر رہا ہوں ناں میری بیٹی سے، میں خود بات کر لوں گا۔ انہوں نے محبت سے کہا۔ نہیں بابا، آپ مجھے ایموشنل بلیک میل نہیں کریں گے! دیکھیں، میرے آگے کے خواب بہت بڑے ہیں۔ آپ نے مجھ سے وعدہ کیا تھا کہ اگر میں نے ڈاکٹری کی ڈگری اچھے طریقے سے کلیئر کر لی تو آپ مجھے اسپیشلائزیشن کے لیے یورپ بھیجیں گے اور اب آپ اپنے وعدے سے مکر رہے ہیں! آپ میری شادی کیسے کر سکتے ہیں؟ وہ غصے سے بول رہی تھی۔ دیکھو نور الہدا! اگر کوئی آپ سے کم تعلیم یافتہ ہو تو وہ جاہل، گوار نہیں ہوتا۔ جسے تم جاہل، گوار کہہ رہی ہو ناں، وہ بی بی اے کی ڈگری لے کر بیٹھا ہے اور مزید آگے پڑھنے کا ارادہ رکھتا ہے، باپ نے اسے سمجھایا۔ پر میری نظر میں وہ جاہل، گوار ہی ہے۔ آپ کو پتہ نہیں ہے کہ گاؤں کے لوگوں کی مینٹیلٹی کیسی ہوتی ہے؟ آپ پلیز میرے ساتھ زبردستی مت کریں، میری شادی مت کریں۔ آپ بس اپنا وعدہ پورا کریں جو آپ نے کیا تھا کہ آپ مجھے اسپیشلائزیشن کروائیں گے، اب آپ یورپ بھیجنے کے نام پر مکر رہے ہیں! وہ غصے سے بولی۔ بہت ہو گئی بحث، اپنے کمرے میں جاؤ! ہم نے تم سے پوچھا نہیں ہے، تمہیں بتایا ہے کہ ہمیں گاؤں جانا ہے اور ہم نے کون سا رشتہ پکا کیا ہے؟ یہ تمہارے دادا پکا کر کے گئے تھے، اب ہم بڑوں کے فیصلوں کو بدل نہیں سکتے۔ اس کی ماں نے اسے ڈانٹا۔ بڑوں کے فیصلوں کو بدل نہیں سکتے پر بے جوڑ کے رشتے زبردستی ایک دوسرے پر تھوپ سکتے ہیں؟ بڑوں کو تو عقل نہیں تھی، آپ لوگ تو عقل سے کام لیں! اس کا کہنا تھا کہ اس کا باپ اسے غصے سے گھورنے لگا۔ سوری بابا! میرا وہ مطلب نہیں تھا، لیکن پلیز ناں میں شادی نہیں کرنا چاہتی وہاں پر... وہ رو دینے کو تھی۔ کسی اور کو پسند کرتی ہو؟ اس کے باپ نے سنجیدگی سے پوچھا۔ استغفراللہ! نہیں بابا، میں کسی کو پسند نہیں کرتی، لیکن میں وہاں بھی شادی نہیں کروں گی جہاں آپ کہہ رہے ہیں۔ میں کسی گاؤں دیہاتی سے شادی نہیں کروں گی! اس نے فیصلہ کن انداز میں کہا۔ نور الہدا! تم اسے ایک بار مل تو لو، وہ بہت اچھا ہے، وہ بہت ہینڈسم ہے، مجھے یقین ہے تم اس سے ملو گی تو وہ تمہیں پسند آئے گا۔ نور الہدا نے گہری سانس لی، مجھے معلوم ہے مجھے نہیں پسند آئے گا، آپ پلیز رشتے کو ختم کریں ناں! آپ لوگ جہاں بولیں گے میں شادی کروں گی، پر ابھی نہیں، میری اسپیشلائزیشن ہو جائے پھر۔ پہلے آپ مجھے یورپ بھیجیں گے، میں وعدہ کرتی ہوں میں پسند کی شادی نہیں کروں گی لیکن وہاں بھی نہیں کروں گی جہاں آپ کہہ رہے ہیں۔ اس کے کہنے پر اس کے باپ نے گہری سانس لی، مجھے نہیں پتہ تھا نور الہدا! تم مجھے اس طرح شرمندہ کرو گی۔ میں نے تمہیں اس لیے تعلیم نہیں دلوائی تھی کہ تم میرے منہ پر آ کر کھڑی ہو جاؤ۔ اگر مجھے پتہ ہوتا تعلیم تم پر اتنا برا اثر ڈالے گی تو میں تم سے کبھی بات نہ کرتا۔ جسے تم جاہل، گوار کہہ رہی ہو ناں، پہلی بات وہ جاہل، گوار نہیں ہے اور اگر جاہل، گوار ہے بھی ناں تو اس نے اپنے بنا دیکھے وہ تم سے شادی پر رضامند ہے، جب کہ وہ لڑکا ہے اسے تم سے زیادہ اعتراضات ہو سکتے ہیں، اسے کوئی اور بھی پسند ہو سکتا ہے، پر اس نے ایسا کچھ بھی نہیں کیا صرف اپنے ماں باپ کی عزت اور ان کی زبان کی خاطر! اگر تمہیں شادی نہیں کرنی تو ٹھیک ہے، میں تمہیں مجبور نہیں کروں گا لیکن میرا تم پر سے مان اٹھ جائے گا! وہ کہتے ہوئے رخ پھیر گئے۔ نور الہدا نم نگوں سے انہیں دیکھنے لگی۔ اگر آپ کو ایسے لگتا ہے کہ میں آپ کا مان توڑ رہی ہوں تو ٹھیک ہے، میں شادی پر رضامند ہوں! کہتے ہوئے وہ اٹھ کر کمرے سے نکل گئی۔ نور الہدا کے باپ نے مسکراتے ہوئے اس کی ماں کو دیکھا، ماں نے داد دینے والی نظروں سے اپنے شوہر کو دیکھا اور اطمینان سے واپس اپنی کتاب پڑھنے میں مصروف ہو گئی۔ نور الہدا غصے سے اپنے کمرے میں آئی۔ اس کی بڑی بہن کا ٹی وی کا ریموٹ ہاتھ میں تھا اور وہ ٹی وی دیکھنے میں مگن تھی۔ نور الہدا کے داخل ہونے پر نگاہ موڑ کر نور الہدا کو دیکھا، کیا ہوا؟ کون جیتا جنگ؟ بابا یا تم؟ اس نے پوچھا۔ تمہیں کیا لگتا ہے کون جیتا ہوگا؟ نور الہدا نے چڑھ کر جواب دیا۔ اس کی بہن نے ٹی وی بند کر دیا، ہنسی، یقینی طور پر بابا جیتے ہوں گے! انہوں نے کوئی ایک آدھ جملہ ایموشنل ایسا بولا ہوگا کہ تم ان کے حق میں فیصلہ سنا کر آ گئی ہوگی۔ اس کی بہن نے اطمینان سے کہا۔ اس بار ایسا نہیں ہوا، میں نے حامی ضرور بھری ہے لیکن میں نے ابھی جنگ ہاری نہیں ہے۔ ہاں، لیکن اب مجھے تھوڑا چالاکی سے کام لینا پڑے گا، بابا کہہ رہے تھے وہ بہت فرمانبردار ہے! اس نے فرمانبرداری میں رشتے کے لیے ہاں کر دی ہے، پر ٹرسٹ می میں خود ایسے حالات پیدا کر دوں گی کہ وہ لڑکا شادی سے انکار کرے گا! بلکہ اتنی بدتمیزی سے انکار کرے گا کہ بابا کے سر سے اس کی شرافت اور ماما کے سر سے اس کے باادب ہونے کا سارا بھوت ایک لمحے میں اتر جائے گا!
۔
۔
۔

Download Novel PDF

Read Novel Online

Description — Urdu

Summary — Urdu

Related Keywords