"مجھ سے شادی کا اتنا ہی شوق تھا تو خود مجھ سے کہتی، سنی کو استعمال کرنے کی کیا ضرورت تھی۔" "سنی کو میں نے نہیں، آپ نے استعمال کیا مجھ سے شادی کرنے کے لیے۔" "مجھ میں ایسی کوئی کمی نہیں جو مجھے شادی کرنے کے لیے کسی کا سہارا لینا پڑے۔" "سنی اپنی ماما سے کہو اب انہیں مزید جاب کرنے کی ضرورت نہیں۔" "سنی اپنے پاپا سے کہو میں پہلے بھی یہ جاب کرتی تھی، اب بھی کروں گی۔" "پہلے کی بات اور تھی، اب وہ کوئی الہڑ دوشیزہ نہیں، شادی شدہ خاتون ہے۔" "سنی اپنی ماما سے کہو مجھے بحث پسند نہیں، اینڈ دیٹس اٹ۔" "وہ اسے حکم دینا چاہتا تھا، مگر وہ بھی اس کے حکم ماننے والوں میں سے نہیں تھی۔"