Girls Power by Muskan Noor Novel20839

Women’s Empowerment | Social Issues | Family Drama | Emotional Fiction | Strong Female Lead | Revenge | Inspirational | Contemporary Fiction

Short Description

Girls Power is a motivational Urdu novel that showcases the journey of a brave woman fighting for justice, dignity, and women’s rights. With emotional family drama, suspenseful twists, and inspiring messages, this novel encourages readers to believe in courage and equality.

“چھوڑو اسے، اسد! کیا بدتمیزی ہے یہ؟”

رضا صاحب، اسد سے وردہ کو چھڑاتے ہوئے بولے، مگر اسد کی گرفت مضبوط تھی۔

“چھوڑو مجھے، جنگلی انسان!”

وردہ درد سے کراہتے ہوئے بولی۔

“مجھے پہلے ہی پتا تھا کہ یہ کوئی نہ کوئی حرکت ضرور کرے گی۔ مجھ سے شادی بھی نہیں کرنا چاہتی تھی، اسی لیے یہ سب کیا ہے اس نے!”

اسد، وردہ کے بال جھٹکتے ہوئے بولا۔

فضا بیگم، اسد کی گرفت سے وردہ کو چھڑانے کے لیے آگے بڑھیں، مگر اسد کے دھکا دینے سے وہ نیچے گر گئیں۔

نبیلہ بیگم دور کھڑی تماشا دیکھ رہی تھیں اور ساتھ ہی دہائیاں دے دے کر اسد کے غصے کو مزید ہوا دینے کی بھرپور کوشش کر رہی تھیں۔

اس سے پہلے کہ اسد مزید کچھ کرتا، پورے ہال میں سناٹا چھا گیا۔ فضا بیگم کے نیچے گرتے ہی وردہ کا پارہ چڑھ گیا، جس کا نتیجہ اسد کے منہ پر زور دار تھپڑ کی صورت میں نکلا۔

اسد بےیقینی سے اس کی طرف دیکھ رہا تھا۔

“تم نے مجھے سمجھ کیا رکھا ہے؟ ہاں؟ جو مرضی کرو گے اور کوئی کچھ نہیں بولے گا؟ اور تم ہوتے کون ہو؟”

“کیا لگتے ہو میرے؟ بھائی ہو؟ باپ ہو میرے؟ بولو!”

“اور ہاں! میں تم سے شادی نہیں کرنا چاہتی۔ تم جیسے لوفر اور گندے لوگوں کو اپنے ملک کی زمین سے پاک کرنے کے لیے پیدا ہوئی ہوں، سمجھے؟”

وردہ غصے سے اسے دیکھتے ہوئے بولی۔

“اب تم مجھ پر زبان چلاؤ گی؟ اتنی ہمت!”

جب اس سے سچ برداشت نہ ہوا تو وہ وردہ کو تھپڑ مارنے کے لیے آگے بڑھا، لیکن وردہ نے اس کا ہاتھ مضبوطی سے تھام کر اس کی کوشش ناکام بنا دی۔

“غلطی سے بھی مجھ پر ہاتھ اٹھانے کی غلطی مت کرنا، ورنہ یہ غلطی تمہیں بہت مہنگی پڑے گی۔ ابھی تو صرف ہاتھ روکا ہے، لیکن میں ہاتھ توڑ بھی سکتی ہوں، سمجھے؟”

وردہ نے اس پر حقارت بھری نظر ڈالی اور وہاں سے چلی گئی۔

پیچھے سب لوگ سناٹے میں کھڑے تھے۔ یہ وردہ کا کیسا روپ تھا؟ اتنا سرد لہجہ، اتنی مضبوط وارننگ، جیسے وہ اپنے غصے سے سب کچھ جلا کر راکھ کر دے گی۔

وہ نہیں جانتے تھے کہ وردہ صرف اپنے لیے نہیں، بلکہ ہر اس عورت کے حق کے لیے لڑنے والی تھی جسے ظلم کا سامنا کرنا پڑتا ہے۔

Share this Novel

Share QR Share Link Copy Code