Tooti barat, emergency nikah aur aik masoom dulhan ki dard bhari zindagi ki kahani.

” دوبارہ تمہاری چیخ نکلی تو تین لفظ بول کر باپ کے گھر بھیج دوں گا سمجھی۔” جنید خان بے دردی سے اسکی روح میں سمایا تو وہ معصوم درد کی شدت سے بیڈ کی چادر ہاتھوں میں جکڑتی اپنی چیخوں کا گلہ گھونٹ گئی۔ عین بارات والے دن لڑکے والوں نے سہانا کو بد چلن کہہ کر شادی سے انکار کیا توسب کے مشترکہ فیصلے کے بعد اسے پھپھو کے بڑے بیٹے کے نکاح میں دیا گیا جو عمر میں اس سے پندرہ سال بڑا اور بلا کا سخت مزاج تھا۔ سہانا جو پہلے ہی اپنی شادی ٹوٹنے کے غم سے نڈھال تھی، جنید کی بے رخی اسکی روح کو کچل گئی۔ وہ خاموشی سے ہر رات اسکی شدتیں سہتی اور دن بھر گھر کے کام کرتی۔ ایک رات وہ اچانک بیہوش ہوئی تھی۔ ” آپکی وائف پریگننٹ تھیں لیکن سٹریس کی وجہ سے۔۔ ” یہ کیا کیا تم نے سہانا ۔۔؟؟” صدف کی صدمے میں ڈوبی آواز پر سہانہ نے مڑ کر اسے دیکھا وہ دروازہ کھول کر کمرے میں داخل ہوئی تھی ۔ اور اب حیران نظروں سے وہ سہانا کو دیکھ رہی تھی۔ سہانہ نے بغیر کچھ کہے رخ موڑا اور ہاتھ میں پکڑا آویزہ ڈریسنگ ٹیبل پر رکھ دیا۔۔” اپنی جیولری اتار رہی ہوں دیکھ نہیں رہی شادی ٹوٹ گئی ہے میری۔۔۔” کان سے دوسرا آویزہ اتارتے سہانہ نے بڑی مشکل سے اپنے لہجے سے چھلکتا کرب چھپایا تھا صدف چند قدم چل کر اس کے نزدیک آئی۔۔۔ ” ایسا مت کرو ابھی رک جاؤ پلیز۔۔۔” صدف نے جھجکتے ہوئے اسے روکا سہانہ کے لبوں پر بڑی تلخ مسکراہٹ پھیل گئی بڑی بے دردی سے اس نے آنکھ میں آیا انسو رگڑا۔۔ ” اب کس کے لیے یہاں بیٹھی رہوں جس کے لیے دلہن بنی تھی، یہ بھاری عروسی جوڑا پہنا تھا، بیوٹیشن نے مجھے تیار کیا تھا، گھونگٹ نکال کر نکاح نامے پر سائن کرنے کے لیے تیار بیٹھی تھی،،، میں لیکن۔۔۔۔ اب۔۔۔۔اب کس کے لیے انتظار کروں میں؟؟” وہ جیسے پھٹ پڑی تھی صدف نے آگے بڑھ کر بے اختیار اسے اپنے ساتھ لگا لیا۔۔۔ سہانہ نے بےدردی سے اپنے لب کچلے۔ وہ رونا نہیں چاہتی تھی مگر ذلت کا احساس ایسا جا گھسا تھا کہ آنسو مسلسل آنکھوں سے بہے چلے جا رہے تھے صدف نے آہستگی سے اس کی کمر پر ہاتھ پھیرا اور اسے اپنے سے الگ کیا سہانہ اس کے چچا کی بیٹی تھی اور دونوں کی بچپن سے دوستی تھی۔ صدف نے بے بس نگاہوں سے اس کا جائزہ لیا وہ اسی آتشیں گلابی رنگ کے لہنگے میں ملبوس تھی جو اس نے بڑے چاؤ سے اپنی رخصتی کے لیے خریدا تھا۔۔۔ بھاری کامدار دوپٹہ نیچے زمین پر گرا پڑا تھا جوڑا بےترتیب ہو کر کھل کر بکھر گیا تھا جوڑے کے ارد گرد لیپٹی کلیاں اس وقت اس کے لباس میں جا بجا اٹکی ہوئی تھیں اس کی ایک آنکھ کا کاجل ہلکا سا پھیل گیا تھا بیوٹیشن نے اسے بے حد مہارت سے دلہن کا روپ دیا تھا دونوں کانوں کے اویزے وہ اتار چکی تھی ہاں البتہ ماتھے پر ٹکا وہ ننھا سا ٹکا اور گلے کا گلو بند ابھی اپنی جگہ پر تھا۔۔۔ ” یہاں بیٹھو سکون سے نیچے سارے گھر والے جمع ہیں۔۔۔ انہوں نے مجھے کہا ہے کہ میں تمہیں چینج نہیں کرنے دوں۔۔۔” صدف نے اس کا ہاتھ پکڑ کر اسے واپس صوفے پر بٹھا دیا سہانہ نے بے یقین نگاہوں سے اسے دیکھا۔ ” کیوں چینج نہ کروں؟؟ آخر تم کہنا کیا چاہتی ہو کیا فیصلہ کر رہے ہیں نیچے گھر والے بیٹھ کر؟؟؟ میری بارات جا چکی ہے،، میرے ہونے والے شوہر نے مجھے بد چلن کہہ کر مجھ سے شادی سے انکار کر دیا ہے اور اب میں خاندان بھر میں کسی کی نظروں کا سامنا کرنے کے لائق نہیں رہی میں کیا کروں گی؟؟؟ ” اب وہ ایک دم سے سسک اٹھی تھی۔۔۔ صدف نے بے بسی سے اسے دیکھا وہ اسے کچھ بتانا چاہتی تھی کہ سہانا کے والد اعظم لودھی نے اسے اوپر بھیجا ہی اسی لیے تھا لیکن وہ کیسے بتاتی؟؟ مگر خدا نے اس کی مشکل آسان کر دی تھی دروازہ ایک دفعہ پھر کھلا اس دفعہ مہتاب بیگم اندر داخل ہوئیں ۔ “سہانہ کا دوپٹہ اس کے اوپر اڑھاؤ اور اسے لے کر نیچے آئو دیر مت کرنا جنید کو کسی کام سے بھی جانا ہے۔۔” نظریں چراتے ہوئے وہ بس اتنا ہی کہہ سکیں۔ سہانہ نے بی یقینی سے ماں کو دیکھا جو اپنا جملہ مکمل کرتے ہی پلٹ گئی تھیں ” میں نیچے نہیں جاؤں گی مجھے نہیں چاہیے کسی کی تسلی اور جنید بھائی؟؟ جنید بھائی کا ذکر کیوں کیا ہے امی نے؟؟ ” وہ بری طرح جھنجھلائی تھی صدف نے گھبرا کر جلدی سے دوپٹہ اس کے سر پر ٹکایا۔ ” میرے ساتھ چلو نیچے سہانا تمہیں سب کچھ پتہ چل جائے گا۔۔ “صدف کی آواز میں غیر معمولی سنجیدگی تھی سہانہ کے اندر خطرے کی گھنٹیاں سی بچنے لگیں۔ اس کے قدم من من بھر کے ہو رہے تھے صدف نے ٹشو سےاس کی دائیں آنکھ کا پھیلا ہوا کا جل صاف کیا باقی وہ اتنی حسین لگ رہی تھی کہ صدف کو مزید کچھ کرنے کی ضرورت نہ پڑی اس کا ہاتھ تھام کر وہ تیزی سے کمرے سے باہر نکل آئی نیچے ہال کمرے میں پورے خاندان کے افراد جمع تھے ۔۔صدف نے سرخ رنگ کا گھونگٹ سہانا کے چہرے کے آگے تک گرا دیا تھا۔۔۔۔ مہین گھونگٹ کی اوٹ میں سہانہ نے دیکھا اس کے والدین صدف کے والدین جو اس کے چاچی تھے لاونج میں موجود تھے۔ خاندان بھر کے دیگر افراد بھی تھے جن کی آنکھوں میں تجسس تھا اور چہرے پر اشتیاق پھیلا ہوا تھا سہانہ نے بے بسی سے اپنی پلکیں میچی کچھ دیر پہلے یہاں تماشہ لگا تھا جب اس کے سسرال والوں نے یہاں تماشہ لگایا تھا،، جب اس کے سسرال والوں نے لودی پیلس جہیز میں مانگا تھا اور انکار کی صورت میں انہوں نے سہانہ کو بد چلن کہہ کر رشتہ ہی ختم کر دیا تھا۔۔۔ ” میری صرف بارات واپس نہیں گئی بلکہ میری عزت بھی دو کوڑی کی ہو گئی ہے،، ان سب کی نظروں میں اپنے لیے ذلت دیکھ کر میں کیسے جیوں گی؟؟ ” اس کی آنکھ سے دو آنسو ٹپکے صدف نے اسے آہستگی سے صوفے پر بٹھا دیا تھا۔ “نکاح شروع کروائیے مولوی صاحب دیر ہو رہی ہے سارے مہمانوں نے اپنے گھر کو جانا ہے۔۔” اعظم صاحب کی سنجیدہ آواز لاؤنج میں گونجی تو سہانا کو ایک زوردار جھٹکا لگا تھا بے اختیار اس نے چہرےکے آگے گرایا گھونگٹ پلٹ دیا۔۔۔ مولوی اپنا رجسٹر سنبھالے اس کے سامنے آکر بیٹھ گیا تھا ۔۔ ” کس کا نکاح ہو رہا ہے۔۔” اس کے لب بے آواز ہلے ” جنید تمہیں کوئی اعتراض تو نہیں ہے نا میری بیٹی نے پہلے ہی بہت صدمہ بھگتا ہے میں نہیں چاہتا اسے مزید کوئی تکلیف ملے۔۔۔۔” یہ بابا انکی آواز تھی اور ان کا رخ جس شخص کی جانب تھا سہانہ نے بے یقین نظروں سے اسے دیکھا وہ جنید شاہ تھا اس کی پھوپھو کا بڑا بیٹا۔۔۔ اس سے عمر میں پندرہ سال بڑا سہانا کی رنگت زرد پڑی وہ آج یہاں کیا کر رہا تھا؟؟؟ وہ تو کسی شادی کسی تقریب میں شرکت ہی نہیں کرتا تھا۔ خاندان میں اسے کم کم ہی دیکھا جاتا تھا اور وجہ وہی اس کا رویہ ۔۔۔ تین برس پہلے ہونے والے اس حادثے نے جنید شاہ کو ہر کسی سے بے غرض کر دیا تھا لیکن آج وہ یہاں کیا کر رہا ہے؟؟ سہانہ کے وجود میں دراڑیں سی پڑنے لگیں۔ “ارے جنید کو کیوں اعتراض ہو گا بھائی صاحب سہانہ میری ہی بہو بنے گی بس ذرا عمر کا فرق ہے سہانہ بیس سال کی ہے اور جنید پینتس سال کا لیکن اب جو کچھ ہو گیا ہے اس کے بعد اس نکاح میں ہی ہم سب کی بھلائی ہے۔۔۔” بڑی پھپو کی آواز لاونج میں گونجی سہانہ نے بے اختیار صوفے کا سہارا لیا۔۔ “تو پھر دیر کس بات کی مولوی صاحب نکاح شروع کریں۔۔” بابا جان نے مولوی صاحب کو حکم دیا سہانہ کی آنکھوں کی سطح گیلی ہوئی اس نے انہیں بھیگی پلکوں سے جنید شاہ کی طرف دیکھا وہ بیزار انداز میں صوفے پر بیٹھا تھا وہ ڈھیلے سے ٹراؤزر اور ٹی شرٹ میں ملبوس تھا اس کی آنکھوں کا گلابی پن بتا رہا تھا کہ وہ سوتے میں سے اٹھایا گیا ہے شاید پھوپھو نے کال کر کے اسے بلایا تھا۔۔۔۔۔