Dil Diya Roshan Hua by Shumaila Dilebad Novel20901

Forced Marriage | Age Gap Marriage | Family Drama | Emotional Fiction | Sacrifice | Social Issues | Contemporary Urdu Novel

Short Description

Dil Diya Roshan Hua is an emotional family drama that explores forced marriage, broken dreams, and the hardships of an orphaned girl. The novel portrays sacrifice, family pressure, and the painful journey of finding hope and love after enduring injustice.

عشرت بہن، صبر کریں۔”

“ارے، کیسے صبر کر لوں؟ میری ماں جائی کی نشانی کے ساتھ ایسا ظلم! ہائے میرے اللہ، میرا تو کلیجہ منہ کو آ رہا ہے۔ میری مسکین بھانجی پہلے سوتیلیوں کی جوتیاں سیدھی کرتی رہی، اور اب اس کا نکاح اپنے ہی پھوپھا سے کر دیا۔ میرے رب، میں کیا کروں؟”

عشرت ایک بار پھر منہ پر دوپٹہ رکھ کر سسکنے لگیں۔ انہیں دیکھ کر گل کے سینے میں بھرا دھواں آنکھوں سے آنسو بن کر بہنے لگا۔ وہ جو کب سے ضبط کا دامن تھامے خاموشی سے آنسو پونچھتی جا رہی تھی، خالہ کے بار بار سسکنے نے اسے گھٹی گھٹی آواز میں کھل کر رونے پر مجبور کر دیا۔

“یہ کیا، کچھ زیادہ ہی بڑھا چڑھا کر نہیں کہہ رہیں؟”

“بڑھا چڑھا کر ہے یا نہیں، مگر پھوپھا تو ہے نا! آج اگر الفت زندہ ہوتی تو بتاؤ، کون اس کی گل پری کا رشتہ ایک رنڈوے پھوپھا سے کرتا؟ کون اسے اپنی ہی پھوپھی کے دو بچوں کی ماں بنا کر رخصت کرتا؟”

امنا نے دکھ بھرے لہجے میں کہا،

“ارے بہن! کتنے بڑے خواب تھے ہم دونوں بہنوں کے۔ ایک ہی مہینے میں ہماری شادیاں ہوئیں، پھر ایک ہی مہینے میں میرا عثمان اور گل پری پیدا ہوئے۔ اسے تو بڑا شوق تھا کہ گل کا نام گل بدن رکھا جائے، مگر تب بھی اس کی ایک نہ چلنے دی گئی۔

اسے اتنے دکھ دیے گئے کہ وہی دکھ پیٹ کا کینسر بن گئے اور آخرکار اس کی جان لے کر ہی چھوڑے۔ ہائے… سوچا تھا جب بچے بڑے ہوں گے تو گل کو اپنے عثمان کی دلہن بناؤں گی، لیکن میری نصیب جلی بہن بہت تھوڑی عمر لکھوا کر لائی تھی۔ ہمیں اور اپنی ننھی سی گل کو روتا چھوڑ کر قبر میں جا سوئی۔”

ماں کا ذکر سنتے ہی گل کی ہچکیاں بندھ گئیں۔ عشرت نے آگے بڑھ کر اسے اپنے ساتھ لگا لیا۔

ہمسائی عاصمہ نے افسوس سے “ہائے ہائے” کی آواز نکالی اور لمبی سی آہ بھری۔

“بس جی، جانے والے تو چلے جاتے ہیں، مگر پیچھے رہ جانے والوں کو عمر بھر کا روگ لگا جاتے ہیں۔”