۔”تمہارا دماغ ٹھیک ہے؟” وہ اس کے سر پر پہنچ کر غرائی۔”الحمداللہ! آپ کیوں پو چھ رہی ہیں؟” ورشے کے سکون اور اطمینان میں ہر گز فرق نہیں آیا تھا۔”میں تمہارا سر پھاڑ دوں گی ورشے، اپنے الفاظ واپس لو۔” ورشے کی مسکراٹ نے گویا جلتی پر تیل کا کام کیا۔”کون سے الفاظ؟” ورشے نے بے نیازی سے بھنوؤں کو اچکایا۔”یہی کہ تم عمر دراز سے شادی کرو گی۔ میں تمہیں یہ بے ہودہ قدم نہیں اٹھانے دوں گی۔” وہ سلگی۔”اس میں بے ہودگی کیا ہے ؟ شادی تو ایک دن ہونا تھی نا ذرا جلدی سہی۔” ورشے ایک دم سنجیدہ نظر آنے لگی۔ علیزے نے دانت کچکچائے۔”تم میری د میں کر رہی ہو نہ یہ سب کچھ؟””ایسی بات نہیں ہے بجو۔””پھر کیوں کر رہی ہو؟” وہ جیسے روہانسی ہونے لگی۔”ہماری فیملی اس وقت سخت کرائسس سے گزر رہی ہے۔ مما بہت ٹینس ہیں۔ اس مسئلے کایہی حل ہے بجو۔””یعنی تم یہ قربانی دو گی؟””میری سوچ آپ سے مختلف ہے بجو! میں یہ مما کی محبت میں کروں گی۔ آپ سمجھ لیں میں انہیں یوں پریشان نہیں دیکھ سکتی۔ پھر آپ نے صحیح کہا تھا۔ آپ ہی کیوں؟ میں کیوں نہیں؟” وہ ذرا سا ہنسی۔”اپنی عمر دیکھی ہے تم نے؟” وہ جو پونٹ بھینچے ان کی بات سن رہی تھی کسی قدر درشتی سے بولی۔

“انیس سال کی ہوں۔ شادی کے لیے ٹھیک ہے۔” ورشے کے اطمینان میں ذرا فرق نہیں آیا تو وہ جھنجھلانے لگی۔”اس کی عمر دیکھی ہے؟ کم از کم بھی تیس بتیسں کا ہو گا۔””اتنا زیادہ فرق تو نہیں ہے بجو، چلتا ہے۔ ” ورشے کے جواب نے اس کی آنکھوں کی جلن بڑھادی۔ وہ ایک دم سرخ پھیر گئی۔”میں تمہیں ایسا نہیں کرنے دوں گی ورشے، تم ابھی بچی ہو۔ تم اس امتحان سے نہیں گزر سکتیں۔ ” وہ بولی تو اس کی آواز بھیگ رہی تھی۔”بجو ہمیں مما کو بھی تو تنہا نہیں چھوڑنا پریشانی میں۔ پپا کے بعد مما کو کھونے کا حوصلہ نہیں مجھ میں اور جتنا ٹینس کر رکھا ہے نا بھانے انہیں، جتنا پریشرائز کیا ہوا ہے مجھے لگ رہا ہے اگر اس مسئلے کا حل نہ نکلا تو مما کو لازماً کچھ ہو جائے گا۔ بجو بھا کو پروا نہیں ہے۔ شاید اس لیے کہ لڑکے فطرتا ً کچھ سخت دل اور بے حس ہوتے ہیں مگر ایک بیٹی کو یہ زیب نہیں دیتا کہ وہ ماں کی پریشانی سے خود کو دانستہ الگ کرلے۔ میں ایسا نہیں کر سکی بجو۔”وہ اس سے لپٹ کر سسک اٹھی۔ گو کہ اس نے اپنی بات کی تھی اپنا حوالہ دیا تھا مگر علیزے کو لگا دانستگی میں اس نے علیزے کو جھنجھوڑا ہے۔ وہ ایک دم سن کھڑی رہ گئی۔”مماسے کہنا مجھے کوئی اعتراض نہیں ہے۔ شادی تمہاری نہیں عمر دراز سے میری ہوگی۔ بتا دینا مما کو۔” کچھ دیر بعد ورشے کو خود سے الگ کر کے وہ بولی تو اس کے چہرے کی طرح اس کا لہجہ بھی بے حد سپاٹ تھا۔