Baazi e Khatar Novel21048 — Novelistan

Sneak

"د۔۔دیکھو میں نے تم سے جھوٹ بولا تھا۔ میں تو تمہارے بارے میں کچھ بھی نہیں جانتی۔" ایزل نے اپنے سامنے کھڑے ریحان شاہ کو کہا تھا۔ وہ بہت بڑا گینگسٹر تھا۔ ایزل نے اپنی دوستوں کے کہنے پر رانگ نمبر پر کال کی تھی اور اسے جھوٹ بولا تھا کہ تمہارے سارے کالے کرتوت مجھے پتہ چل گئے ہیں یہ سمجھ کر کہ وہ کوئی عام سا آدمی ہو گا پر نہیں جانتی تھی جس کو اس نے فون کیا تھا وہ واقعی کالے کاموں کا بے تاج بادشاہ تھا جس کے آگے سیاسی لیڈر بھی سر جھکاتے تھے ۔ ریحان شاہ نے اگلے ہی دن اسے اٹھوا لیا تھا۔ " تمہیں کیا لگتا ہے کہ تمہارے جھوٹ پر یقین کروں گا میں؟ " ریحان شاہ غصے سے بولتا اس کی طرف بڑھا تھا کہ تبھی اچانک فارم ہاؤس پر فائرنگ شروع ہوئی اور ایزل خوف سے ہوش کھوتی ریحان شاہ کی بانہوں میں۔۔۔
"اوہ خدا کے لیے اب دوبارہ کال مت کرنا" ایزل نے فون کان سے ہٹاتے ہوئے جھنجھلا کر کہا اور کال کاٹ دی اس کے ساتھ بیٹھی ماہ نور، حوریہ اور ایمان زور سے ہنس پڑیں۔
"پھر وہی نمبر تھا" ماہ نور نے پوچھا تو ایزل نے منہ بنایا۔
"ہاں صبح سے پانچویں بار کال کر چکا ہے"
"کیا کہتا ہے" حوریہ نے دلچسپی سے پوچھا۔
"ہیلو۔۔ آپ کون ہیں ،میں کون ہوں، یہ کون ہیں" ایزل نے لڑکے کی نقل اتاری اور یہ کہتے ہی وہ خود بھی ہنس پڑی وہ چاروں  یونیورسٹی کے لان میں بیٹھی تھیں کلاس ختم ہو چکی تھی اور اب ان کے پاس فری پیریڈ تھا کہ اچانک ایزل کا فون پھر بج اٹھا جس پر سب کی نظریں فون پر جم گئیں۔
"اٹھاؤ۔۔ اٹھاؤ" ایمان نے شرارت سے کہا۔
"جی"ایزل نے آنکھیں گھماتے کال رسیو کر لی دوسری طرف سے فوراً آواز آئی۔
"شکر ہے آپ نے اٹھا لیا میں صبح سے۔۔"
"بھائی صاحب اپنی زبان کا اسٹینڈ نیچے کریں سمجھے" اس نے بیچ میں ٹوکا باقی سب اس کے طنز پہ ایک دوسرے کودیکھ مسکرا گئیں۔
"اگر آپ کو اتنا ہی شوق ہے بات کرنے کا توشادی کر لیں فضول میں تنگ کر رہے ہیں" وہ بھی پھر ایزل فاطمہ تھی
دوسری طرف چند لمحے خاموشی رہی پھر وہ لڑکا بولا۔
"شادی"
"ہاں سات سالے قسمت والوں کو ملتے ہیں۔۔" اس کے جھوٹ پہ لان میں بیٹھی سب دوستوں کا قہقہہ نکل گیا جبکہ کالر نے فوراً کال کاٹ دی۔
"بے چارے کو ہارٹ اٹیک آ گیا ہوگا" ماہ نور ہنستے ہوئے بولی۔
"اور کیا صبح سے مجھے تنگ کر رہا ہے ایک ویسے ہی آج بڑا بور دن ہے اوپر سے یہ خبیث لڑکے"
اس نے گھاس پر لیٹتے ہوئے کہا۔
"تو پھر آج کچھ نیا ہونا چاہیے"
ایمان نے فوراً کہا تو چند لمحے سب خاموش رہیں پھر اچانک ماہ نور کی آنکھوں میں شرارت چمکی۔
"میرے پاس آئیڈیا ہے"
"بتاؤ"سب دلچسپی لیتی ہیں۔
"ہم بھی لوگوں کو غلط نمبر ملا کر تنگ کرتے ہیں ایز آ فن"اس کے مشورے پہ چند سیکنڈ خاموشی رہی پھر ایزل زور سے ہنس پڑی۔
"پاگل ہو گئی ہو"
"کیوں مزہ آئے گا یار" وہ منہ بناتی ہے اور چاروں ایک دوسرے کا چہرہ دیکھنے لگیں پھر اگلے ہی لمحے سب کے چہروں پر ایک جیسی شرارتی مسکراہٹ پھیل گئی۔
"میں تیار ہوں" حوریہ بولی۔
"تم لوگ مجھے پھنسا دو گی" ایزل نے لب کاٹتے کہا۔
"نہیں پھنسائیں گے یار اور ہر کوئی ایک ایک کال کرے گا اپنے اپنے نمبر سے سو ڈونٹ وری ہم کسی ایک کا نمبر یوز نہیں کریں گے"ایمان نے اس کو سمجھانے کی کوشش کی تو ایزل نے ہار مان لی۔
"چلو ٹھیک ہے آج پنگا لے کر دیکھتے ہیں" اس کے ماننے پہ
سب خوشی سے چیخ اٹھیں پھر ماہ نور نے جلدی سے ایک رینڈم نمبر ڈائل کیا اور فون سپیکر پر لگا دیا چند سیکنڈ بعد
کال اٹھ گئی۔
"ہیلو" ایک مردانہ آواز سنائی دی تو ماہ نور نے فوراً سنجیدہ لہجہ اپنایا۔
"سر مبارک ہو"
"کس بات کی" سنجیدہ آواز۔۔۔
"آپ کی لاٹری نکل آئی ہے آپ کو ایک لڑکی پسند کرنے لگی ہے"وہ ہنسیں چند لمحے خاموشی رہی پھر دوسری طرف سے غصے میں آواز آئی۔
"بکواس بند کرو"اور کال کٹ گئی جس پہ چاروں دوست قہقہے مار مار کر ہنسنے لگیں پھر
دوسری کال ملائی گئی اس بار ایک بوڑھے آدمی نے فون اٹھایا جس پہ ایمان نے فوراً فون کاٹ دیا۔
"نہیں نہیں انکل کو تنگ نہیں کرنا" وہ ہلکے سے بولی تو سب نے اتفاق کیا پھر تیسری کال۔
"ہیلو کیا آپ کا کتا بھاگ گیا ہے" حوریہ نے بےتکی سی بات کی۔
"جی ہم نے اسے لاہور میں پکڑا ہے" وہ ہنسی اور دوسری طرف سے گالی سنائی دیتی کال کٹ گئی اب تو سب ہنس ہنس کر دوہری ہو رہی تھیں۔
"اب تمہاری باری ہے اور اس بار کوئی ڈرانے والا ڈرامہ کرنا ہے" ایمان نے اعلان کیا تو ایزل نے مسکراتے ہوئے اپنا فون پکڑ لیا
دوسری طرف رنگ جا رہی تھی
مگر انہیں نہیں معلوم تھا کہ اس بار جو نمبر ملا تھا وہ کسی عام شخص کا نہیں تھا بلکہ شہر کے بیچوں بیچ ایک پرانی فیکٹری کے اندر درجنوں مسلح آدمی موجود تھے ہال کے درمیان ایک لمبی میز تھی اور اس میز کے سرے پر بیٹھا تھا ریحان حیدر شہر کا وہ نام جس سے بڑے بڑے نام بھی خوف کھاتے تھے اس وقت وہ اپنے آدمیوں کے ساتھ ایک انتہائی خفیہ کنسائنمنٹ پر بات کر رہا تھا کمرے میں مکمل خاموشی تھی تبھی اس کا فون بج اٹھا اس نے سکرین کی طرف دیکھا تو ان ناؤن نمبر تھا اس نے چند لمحے فون کو دیکھا پھر کال اٹھا لی۔
"ہیلو" ادھر ایزل نے دوستوں کو آنکھ ماری جو سب اپنی ہنسی روکنے کی کوشش کر رہی تھیں۔
"ہیلو مسٹر غنڈے"وہ سنجیدہ انداز میں بولی تو ریحان کا ماتھا ہلکا سا سکڑا۔
"کون"
"یہ چھوڑیں کیونکہ آپ کی تمام خفیہ معلومات ہمارے پاس پہنچ چکی ہیں۔۔"
"کون سی معلومات" ریحان کی آنکھیں سکڑ گئیں کمرے میں موجود سب لوگوں کی نظریں اس پر جمی ہوئی تھیں۔
"آپ کا اگلا کنسائنمنٹ کہاں جا رہا ہے، کب پہنچے گا سب کچھ ہمارے پاس موجود ہے" ایزل نے بے خبری میں وہ جملہ کہہ دیا جو اگلے چند دنوں میں اس کی پوری زندگی بدلنے والا تھا اچانک ریحان اپنی کرسی سے سیدھا ہو کر بیٹھ گیا تو کمرے کا ماحول بدل گیا کیونکہ اتفاق سے آج رات واقعی ایک خفیہ کنسائنمنٹ روانہ ہونا تھا اور اس کی خبر صرف چند لوگوں کو تھی۔
"تم کون ہو" اس بار اس کی آواز برف کی طرح ٹھنڈی تھی
لیکن ایزل اب بھی اسے مذاق سمجھ رہی تھی۔
"ہم وہ ہیں جن سے آپ بچ نہیں سکتے"وہ سب بمشکل ہنسی روک رہی تھیں۔
"اچھا اور تمہیں یہ معلومات کس نے دیں"وہ آہستہ سے بولا۔
"یہ آپ کا ہیڈک نہیں ہے ہمارے پاس آپ کے خلاف ثبوت ہیں اگر آپ نے تعاون نہ کیا تو ہم سب کچھ انٹرنیٹ پر ڈال دیں گے"
چند لمحے مکمل خاموشی رہی
اتنی خاموشی کہ ایزل کو خود عجیب لگا پھر ریحان نے نہایت پرسکون لہجے میں پوچھا۔
"تمہارا نام کیا ہے"
"کیوں ڈر گئے ہیں کیا"وہ ہنس دی۔
"بہت جلد پتہ چل جائے گا کہ کون ڈرتا ہے" یہ کہہ کر اس نے کال کاٹ دی ادھر لان میں قہقہوں کا طوفان آ گیا۔
"اوہ خدا اس کی آواز سنی تھی کتنا سیریس ہو گیا تھا"
"لگتا ہے واقعی کوئی مافیا ڈان تھا" ایزل ہنستے ہنستے دوہری ہو گئی مگر انہیں کیا معلوم تھا کہ ریحان شاہ خاموش بیٹھا فون کی سکرین کو دیکھ رہا تھا چند سیکنڈ بعد اس نے سر اٹھایا۔
"اس نمبر کی مکمل تفصیل چاہیے مجھے" کمرے میں موجود سب آدمی سیدھے ہو کر کھڑے ہو گئے آج رات ہونے والا کنسائنمنٹ کروڑوں کا تھا اس کے بارے میں صرف چند مخصوص لوگوں کو علم تھا ایسے میں ایک اجنبی لڑکی کا اچانک کال کر کے اسی چیز کا ذکر کرنا معمولی بات نہیں تھی۔
"اگر یہ پولیس کا جال ہے تو کوئی نہیں بچے گا" اس نے آہستہ سے کہا۔
"باس نمبر مل گیا" ایک آدمی نے چند منٹ بعد سر اٹھایا تو ریحان فوراً اس کی طرف مڑا۔
"نام ہے ایزل فاطمہ خان یونیورسٹی سٹوڈنٹ ہے مڈل کلاس فیملی ماں کی دوسری شادی ہے تین بہنیں ایک بھائی ہے یہ اس کی تصویر ہے"اسکرین پر اس کی تصویر ظاہر ہوئی جہاں مسکراتی ہوئی معصوم سی لڑکی تھی وہ بالکل ویسی نہیں تھی جیسی ریحان نے تصور کی تھی لیکن اس سے فرق نہیں پڑتا تھا اس کی دنیا میں شکلیں دھوکہ دے سکتی تھیں۔
"لوکیشن"
"ابھی یونیورسٹی میں ہے" کمپیوٹر آپریٹر نرمی سے کہتا ہے
ریحان نے تصویر کو چند لمحے دیکھا پھر سرد لہجے میں بولا۔
"صبح ہونے سے پہلے یہ لڑکی میرے سامنے ہونی چاہیے" اس نے دوبارہ ایزل کی تصویر دیکھی تو ہونٹوں پر ہلکی سی خطرناک مسکراہٹ ابھری۔
"تمہاری آواز کے ساتھ تمہاری صورت بھی کافی دلچسپ ہے"وہ آہستہ سے بولا تھا جب کہ اس کے آدمی اس کے حکم پہ متحرک ہو گئے تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔
"یار پلیزز مت جاؤ نا ابھی" ماہ نور نے اس کا ہاتھ پکڑتے ہوئے کہا۔
"شام کے ساتھ بج رہے ہیں ماما نے اگر دروازے پر کھڑے ہو کر استقبال کیا تو تم آ کے بچانا" ایزل نے گھڑی کی طرف اشارہ کیا تو وہ ہنس پڑی وہ آج کمبائن اسٹڈی کے لیے آف ٹائم اس کے ساتھ اس کے گھر آئی تھی پڑھتے اور باتیں کرتے وقت کا پتا ہی نہیں چلا تھا لیکن نہ جانے کیوں بار بار اسے وہ عجیب سی کال یاد آ رہی تھی اس شخص کالہجہ اور انداز عام آدمیوں جیسا نہیں تھا۔
"کیا سوچ رہی ہو" ماہ نور نے پوچھا۔
"کچھ نہیں بس گھر جانا ہے" اس نے فوراً جواب دیا چند منٹ بعد وہ اس کے گھر والوں سے مل کر باہر نکل آئی جیسے ہی دروازہ کھولا ٹھنڈی ہوا کا جھونکا اس سے ٹکرایا آسمان پر کالے بادل چھائے ہوئے تھے تو دور کہیں گرج کی آواز سنائی دی۔
"واہ اب بارش بھی ہونے والی ہے" اس نے آسمان کی طرف دیکھتے اپنی اسکوٹی سٹارٹ کی اور سڑک پر آ گئی پہلے تو سب ٹھیک تھا ہلکی ہلکی بوندیں گر رہی تھیں اور سڑک بھی تقریباً خالی تھی وہ آہستہ آہستہ گنگناتی ہوئی جا رہی تھی اچانک  بارش تیز ہو گئی اور چند ہی لمحوں میں موسلا دھار بارش شروع ہو گئی۔
"کھررر" سکوٹی کو جھٹکا لگا اور انجن بند ہو گیا۔
"نہیں یار" ایزل تقریباً چیخ پڑتی
دوبارہ سٹارٹ کرنے کی کوشش کرتی ہے لیکن کچھ نہیں ہوا۔
"اسے بھی آج ہی خراب ہونا تھا" وہ جھنجھلا گئی چاروں طرف سنسان سڑک تھی بارش مسلسل بڑھتی جا رہی تھی اس لیے اس نے فون نکالا تو نیٹ ورک کمزور تھا۔
"زبردست۔۔ اور کچھ رہ گیا ہو تو وہ بھی کر لو"اس نے آسمان کی طرف دیکھ کر کہا اور اسکوٹی کو دھکا دے کر آگے بڑھنے لگی
پانی کپڑوں میں اتر چکا تھا، بال بکھرے کہ تبھی دور سے دو ہیڈ لائٹس نمودار ہوئیں کچھ ہی لمحوں میں ایک گاڑی اس سے چند قدم کے فاصلے پر رک گئیں جس پر ایزل چونک گئی اس کا دل ہلکا سا دھڑکا کیونکہ گاڑی سے دو آدمی باہر نکلے تھے۔
"جی"اس نے فوراً اسکوٹی کا ہینڈل مضبوطی سے پکڑ لیا لیکن
کوئی جواب نہیں آیا وہ آدمی سیدھے اس کی طرف بڑھتے رہے
اب پہلی بار اسے خطرہ محسوس ہوا۔
"آپ لوگ کون ہیں"ایزل ایک قدم پیچھے ہٹی تبھی ایک آدمی نے جیب سے موبائل نکالا تو اسکرین پر موجود تصویر بارش میں بھی صاف دکھائی دے رہی تھی۔
"یہی ہے" آدمی نے کہا تو دوسرے نے سر ہلایا جس پہ ایزل کا دل زور سے دھڑکا ساتھ ہی چہرے کا رنگ اڑ گیا۔
"ر۔۔رکیں میں نے کچھ نہیں کیا" وہ گھبرا گئی لیکن کوئی جواب نہیں آیا اگلے ہی لمحے وہ مڑی اور پوری طاقت سے بھاگنے کی کوشش کی لیکن صرف دو قدم ہی آگے ہوئی تھی کہ ایک مضبوط ہاتھ نے اس کی کلائی پکڑ لی۔
"چھوڑو مجھے۔۔ ہیلپ " وہ چلائی لیکن بارش کی گرج نے اس کی آواز نگل لی اس نے خود کو چھڑانے کی کوشش کی لیکن دوسرے آدمی نے آگے بڑھ کر اس کا فون چھین لیا چند لمحوں بعد گاڑی کا پچھلا دروازہ کھلا اور ایزل کو گاڑی کے اندر دھکیل دیا گیا جس کے کانوں میں اپنے دل کی دھڑکن گونج رہی تھی۔۔۔

Download Novel PDF

Read Novel Online

Description — Urdu

Summary — Urdu

Related Keywords