Khugar E Sitam By Sajal Saeed Novel20791

Cousin Marriage | Misunderstanding base |   After Marriage Base |  Rude Hero | Romance | Novelistan
.

” مم۔ مجھے معاف کر دیں ابراہیم ۔۔ خدا کیلئے مجھے طلاق مت دیجئے گا۔۔ ”
اسکے سامنے ہاتھ جوڑے وہ گڑ گڑارہی تھی۔۔
اتناسب ہو جانے کے بعد بھی وہ اس سے ایسی امید لگائے بیٹھی تھی۔۔ آخر کیوں اس نے اسے رسواء کرنے میں ایک پل بھی نہ سوچاتھا۔۔ آخر کہاں کمی رہ گئی تھی۔۔؟
“سر ۔۔ ایکسکیوز می سر۔۔”
سیکرٹری کی آواز پر وہ چونک کر اپنے خیالوں سے باہر آیا تھا۔۔ ٹیک چھوڑتا وہ سیدھا ہوا۔۔ نظریں اٹھائے اس نے سیکر ٹری کی جانب دیکھا جو فائل تھامے کچھ حیران اور کچھ پریشان کی اپنے باس کو دیکھ رہی تھی۔۔
آپ کچھ کہہ رہی تھیں مس رانیہ ۔۔”
سر یہ فائل آپ نے لانے کا کہا تھا۔۔ ”
“ٹھیک ہے رکھ دیں یہاں۔۔”
فائل ٹیبل پر رکھتے اس نے اپنے باس کی جانب دیکھا جواب لیپ ٹاپ پر نظریں جمائے ہوئے تھا۔۔

“سر ۔۔ آپکی طبیعت ٹھیک ہے۔۔ ”
آئی ایم فائن میں رانیہ ۔۔ آپ کو ایک میل سینڈ کر رہا ہوں۔۔ پروف لگ دے کر علی اینڈ سنز کو فارورڈ
کر دیں۔۔”
ہاتھ کی بورڈ پر چلاتا وہ مصروف سے انداز میں بولا تھا۔۔
رانیہ سر کو جنبش دیتی ایک نظر اسکے وجیہہ مگر حد درجہ سنجیدہ چہرے پر ڈالتی باہر کی جانب چل دی۔۔
سیکرٹری کے جاتے ہی کی بورڈ پر چلتے اسکے ہاتھ تھے تھے ۔۔ آنکھیں بند کرتے اس نے گہری سانس کھینچتے خود کو پر سکون کرنے کی کوشش کی۔۔
زندگی ایک بھنور کی صورت بس بہے جارہی تھی ۔۔ سکون تو ایک عرصے سے اس کے قریب بھی نہ بھٹکا تھا۔۔ یا وہ خود سکون کو اپنے قریب بھٹکنے نہیں دیتا تھا۔۔ عجب بے چینی تھی جو ہما وقت اپنی لپیٹ میں لئے رکھتی تھی۔۔ ایک واقعے نے گویا زندگی کا رخ بدل کر رکھ دیا تھا۔ ۔ ہزار کوشش کے باوجود وہ دو سال پہلے والا ” ابراہیم امان”
نہ بن سکا تھا۔۔