دو جڑواں بہنوں کی برسوں پرانی ضد، پہلی عید کی روایت اور ایک نئی محبت کا امتحان۔

ایک ہی ماں کی کوکھ سے جنم لینے والی دو جڑواں بہنیں… جن کی شکلیں ایک جیسی تھیں، عادتیں ایک جیسی تھیں، پسند ناپسند بھی ایک جیسی تھی، مگر ایک چیز کبھی ایک جیسی نہ ہو سکی… وہ تھا ایک دوسرے کے لیے دل میں چھپا ہوا بغض۔ بچپن سے لے کر شادی تک دونوں کی ہر ملاقات کسی نہ کسی جھگڑے پر ختم ہوتی رہی۔ وقت گزرا، دونوں اپنے اپنے گھروں کی ہو گئیں، مگر برسوں پرانی انا اور ضد نے ان کا پیچھا نہ چھوڑا۔ قسمت کا کھیل دیکھیے کہ انہی دونوں کے بچوں کا رشتہ آپس میں جڑ گیا، لیکن جہاں ایک نئی محبت کو پروان چڑھنا تھا، وہاں دونوں ماؤں کی ضد، پرانی دشمنی اور انا پھر سے دیوار بن کر کھڑی ہو گئی۔ پہلی عید کا ایک معمولی سا مسئلہ دیکھتے ہی دیکھتے ایسا تنازع بن گیا جس نے نہ صرف دو خاندانوں بلکہ دو محبت کرنے والے دلوں کی خوشیاں بھی داؤ پر لگا دیں۔ اب سوال یہ تھا… کیا اس بار محبت جیتے گی، یا برسوں پرانی ضد ایک اور رشتہ قربان کر دے گی؟